ਸੰਜੇ ਦੱਤ ਦੀ ਆਉਣ ਵਾਲੀ ਫਿਲਮ 'ਆਖਰੀ ਸਵਾਲ' ਦਾ ਟ੍ਰੇਲਰ ਹੋਇਆ ਜਾਰੀ

ਪ੍ਰਸਿੱਧ ਅਭਿਨੇਤਾ ਸੰਜੇ ਦੱਤ ਦੀ ਆਉਣ ਵਾਲੀ ਫਿਲਮ 'ਆਖਰੀ ਸਵਾਲ' ਦਾ ਟ੍ਰੇਲਰ ਜਾਰੀ ਹੋ ਗਿਆ ਹੈ। ਨਿਰਮਾਤਾ ਨੇ ਕਿਹਾ ਕਿ ਜਲਦੀ ਹੀ ਫਿਲਮ ਰਿਲੀਜ਼ ਕੀਤੀ ਜਾਵੇਗੀ। ਸੰਜੇ ਦੱਤ ਦੀ ਇਸ ਫਿਲਮ ਨੂੰ ਦਰਸ਼ਕ ਬੜੀ ਬੇਸਬਰੀ ਨਾਲ ਉਡੀਕ ਰਹੇ ਹਨ। ਟ੍ਰੇਲਰ ਜਾਰੀ ਹੋਣ ਨਾਲ ਬਾਲੀਵੁੱਡ ਵਿੱਚ ਕਾਫੀ ਹਲਚਲ ਮਚ ਗਈ ਹੈ।

ਟ੍ਰੇਲਰ ਦੇਖ ਕੇ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਸੰਜੇ ਦੀ ਇਹ ਫਿਲਮ ਪਹਿਲੀਆਂ ਫਿਲਮਾਂ ਵਾਂਗ ਚਰਚਾ ਦਾ ਵਿਸ਼ਾ ਬਣੇਗੀ। ਸੰਜੇ ਦੱਤ ਨੇ ਇਸ ਫਿਲਮ ਵਿੱਚ ਇਕ ਪ੍ਰੋਫੈਸਰ ਦੀ ਭੂਮਿਕਾ ਨਿਭਾਈ ਹੈ। ਉਹ ਕਾਫੀ ਸੁਲਝਿਆ ਹੋਇਆ ਅਤੇ ਗੱਲਬਾਤ ਵਿੱਚ ਭਰੋਸਾ ਰੱਖਣ ਵਾਲਾ ਵਿਅਕਤੀ ਹੈ ਦੂਜੇ ਪਾਸੇ ਸਮੀਰਾ ਰੈਡੀ ਅਤੇ ਨਮਾਸ਼ੀ ਚੱਕਰਵਤੀ ਹਨ।

ਟ੍ਰੇਲਰ ਵੇਖਣ ਵਾਲਿਆਂ ਵਿੱਚ ਇਹ ਵੀ ਚਰਚਾ ਹੈ ਕਿ ਫਿਲਮ ਨੇ ਆਰ.ਐਸ.ਐਸ. ਨਾਲ ਜੁੜੀਆਂ ਇਤਿਹਾਸਕ ਘਟਨਾਵਾਂ ਬਾਰੇ ਗੰਭੀਰ ਸਵਾਲ ਉਠਾਏ ਹਨ। 15 ਮਈ ਨੂੰ ਫਿਲਮ ਵੱਡੇ ਪਰਦੇ ਦਾ ਸ਼ਿੰਗਾਰ ਬਣ ਸਕਦੀ ਹੈ।