ਸ਼ਰਮਿਲਾ ਟੈਗੋਰ ਅਤੇ ਸਿਮੀ ਗਰੇਵਾਲ ਨੇ ਕਾਨਸ ਫਿਲਮ ਫੈਸਟੀਵਲ 'ਚ ਕੀਤੀ ਸ਼ਮੂਲੀਅਤ

ਵੈਟਰਨ ਅਦਾਕਾਰਾ ਅਤੇ ਪ੍ਰਸਿੱਧ ਹੋਸਟ ਸਿਮੀ ਗਰੇਵਾਲ ਨੇ ਆਪਣੇ ਸਮੇਂ ਦੀ ਚਰਚਿਤ ਅਭਿਨੇਤਰੀ ਸ਼ਰਮਿਲਾ ਟੈਗੋਰ ਨਾਲ ਕਾਨਸ ਫਿਲਮ ਫੈਸਟੀਵਲ ਦੌਰਾਨ ਰੈਡ ਕਾਰਪੇਟ 'ਤੇ ਆਪਣੀ ਮੌਜੂਦਗੀ ਦਰਸਾਈ। ਸਿਮੀ ਗਰੇਵਾਲ ਮਹਾਨ ਫਿਲਮਕਾਰ ਸਤਿਆਜੀਤਰੇਅ ਵਲੋਂ 1970 'ਚ ਨਿਰਦੇਸ਼ਕ ਫਿਲਮ ਅਰਨਯੇਰ ਦਿਨ ਰਾਤਰੀ ਦੀ ਵਿਸ਼ੇਸ਼ ਸਕ੍ਰੀਨਿੰਗ ਕਾਨਸ 'ਚ ਪਹੁੰਚੀ ਸੀ,ਜਿਸ 'ਚ ਉਸ ਨੇ ਅਭਿਨੈ ਵੀ ਕੀਤਾ ਸੀ।

ਇਸ ਫਿਲਮ ਦੇ ਨਵੇਂ ਐਡੀਸ਼ਨ ਦੀ ਕਾਨਸ 'ਚ ਵਿਸ਼ੇਸ਼ ਸਕ੍ਰੀਨਿੰਗ ਹੋਈ। ਆਪਣੇ ਜਾਣੇ-ਪਛਾਣੇ ਅੰਦਾਜ਼ ਅਤੇ ਸਫੈਦ ਰੰਗ ਨਾਲ ਵਿਸ਼ੇਸ਼ ਲਗਾਵ ਲਈ ਜਾਣੀ ਜਾਂਦੀ ਸਿਮੀ ਨੇ ਕਾਨਸ 'ਚ ਇਕ ਵੱਖਰਾ ਪ੍ਰਭਾਵ ਛੱਡਿਆ। ਉਸ ਨੇ ਭਾਰਤੀ ਡਿਜ਼ਾਈਨਰ ਲੇਬਲ ਕਾਰਲੀਓ ਵਲੋਂ ਡਿਜ਼ਾਇਨ ਕੀਤਾ,ਇਕ ਵਿਸ਼ੇਸ਼ ਤਰ੍ਰਾਂ ਦੀ ਗਾਊਨ ਪਹਿਨਿਆ ਹੋਇਆ ਸੀ। ਇਸ ਮੌਕੇ 'ਤੇ ਸ਼ਰਮੀਲਾ ਟੈਗੋਰ ਨੇ ਹਰੇ ਰੰਗ ਦੀ ਸਾੜੀ ਪਹਿਨ ਕੇ ਰੈਡ ਕਾਰਪੇਟ 'ਤੇ ਬੇਹੱਦ ਸਾਦੇ ਦਿੱਖ ਵਿੱਚ ਸ਼ਾਹੀ ਅੰਦਾਜ਼ ਵਰਗੀ ਝਲਕ ਦਿਖਾਈ। ਇਸ ਮੌਕੇ ਉਸ ਦੀ ਧੀ ਸਬਾ ਅਲੀ ਖਾਨ,ਪੀਲੇ ਰੰਗ ਦੇ ਰਵਾਇਤੀ ਪਹਿਰਾਵੇ 'ਚ ਮੌਜੂਦ ਸੀ।