ਸ਼ਹਿਨਾਜ਼ ਗਿੱਲ ਅਤੇ ਗਿੱਪੀ ਗਰੇਵਾਲ ਦੀ ਫਿਲਮ 2 ਅਕਤੂਬਰ ਨੂੰ ਹੋਵੇਗੀ ਰਿਲੀਜ਼

ਸ਼ਹਿਨਾਜ਼ ਗਿੱਲ ਅਤੇ ਗਿੱਪੀ ਗਰੇਵਾਲ 'Singh Vs Kaur 2''ਚ ਇਕ ਵਾਰ ਫਿਰ ਇਕੱਠੇ ਕੰਮ ਕਰਨ ਲਈ ਤਿਆਰ ਹਨ,ਜੋ 2 ਅਕਤੂਬਰ 2025 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਇਸ ਸੰਬੰਧੀ ਜਾਣਕਾਰੀ ਇੱਕ ਸੋਸ਼ਲ ਮੀਡੀਆ ਵੀਡੀਓ ਰਾਹੀਂ ਸਾਂਝੀ ਕੀਤੀ ਗਈ ਸੀ।

ਪ੍ਰਸ਼ੰਸਕਾਂ ਨੇ ਵੀ ਇਸ ਫਿਲਮ ਪ੍ਰਤੀ ਉਤਸ਼ਾਹ ਪ੍ਰਗਟ ਕੀਤਾ ਹੈ। ਇਹ ਸੀਕਵਲ 2013 ਦੀ ਮੂਲ ਹਿੱਟ ਫਿਲਮ 'Singh Vs Kaur' ਦੀ ਸਫਲਤਾ ਤੋਂ ਬਾਅਦ ਆਇਆ ਹੈ,ਜਿਸ ਵਿੱਚ ਗਿੱਪੀ ਨੇ ਸੁਰਵੀਨ ਚਾਵਲਾ ਦੇ ਨਾਲ ਅਭਿਨੈ ਕੀਤਾ ਸੀ ਅਤੇ ਬਾਅਦ ਵਿੱਚ ਇਸ ਨੂੰ ਬੰਗਾਲੀ ਵਿੱਚ ਰੀਮੇਕ ਕੀਤਾ ਗਿਆ ਸੀ।

2019 ਦੀ ਫਿਲਮ 'ਡਾਕਾ' ਤੋਂ ਬਾਅਦ ਸ਼ਹਿਨਾਜ਼ ਅਤੇ ਗਿੱਪੀ ਦੂਜੀ ਵਾਰ ਇਕੱਠੇ ਕੰਮ ਕਰਨ ਜਾ ਰਹੇ ਹਨ। ਹਾਲ ਹੀ ਵਿੱਚ,ਸ਼ਹਿਨਾਜ਼ ਨੇ ਸੈੱਟ ਤੋਂ ਇਕ ਛੋਟਾ ਜਿਹਾ ਕਲਿਪ ਵੀ ਸਾਂਝਾ ਕੀਤਾ ਹੈ।

'Singh Vs Kaur 2' ਤੋਂ ਇਲਾਵਾ,ਸ਼ਹਿਨਾਜ਼ ਗਿੱਲ ਵਰੁਣ ਸ਼ਰਮਾ ਨਾਲ 'ਸਬ ਫਸਟ ਕਲਾਸ' ਅਤੇ "ਇੱਕ ਕੁੜੀ" ਨਾਮਕ ਇਕ ਹੋਰ ਪੰਜਾਬੀ ਫਿਲਮ ਦੇ ਲਈ ਵੀ ਤਿਆਰੀ ਕਰ ਰਹੀ ਹੈ।