ਸ਼ਹਿਨਾਜ਼ ਗਿੱਲ ਸਰੀ ਵਿੱਚ'ਸਿੰਘ ਬਨਾਮ ਕੌਰ' ਦੀ ਕਰ ਰਹੀ ਸ਼ੂਟਿੰਗ

ਸ਼ਹਿਨਾਜ਼ ਗਿੱਲ ਆਪਣੀ ਆਉਣ ਵਾਲੀ ਪੰਜਾਬੀ ਫਿਲਮ 'ਸਿੰਘ ਬਨਾਮ ਕੌਰ' ਦੀ ਸ਼ੂਟਿੰਗ ਇਨ੍ਹੀਂ ਦਿਨੀਂ ਸਰੀ ਵਿੱਚ ਕਰ ਰਹੀ ਹੈ। ਇਸ ਫਿਲਮ ਵਿੱਚ ਗਿੱਪੀ ਗਰੇਵਾਲ ਮੁੱਖ ਭੂਮਿਕਾ ਨਿਭਾਅ ਰਹੇ ਹਨ। ਸ਼ਹਿਨਾਜ਼ ਆਪਣੀ ਹਾਲ ਹੀ ਵਿੱਚ ਹਿੱਟ ਹੋਈ ਫਿਲਮ ਇਕ ਕੁੜੀ ਦੀ ਸਫਲਤਾ ਕਾਰਨ ਵੀ ਬਹੁਤ ਭਰੋਸੇ ਵਿੱਚ ਅਤੇ ਖੁਦ ਨੂੰ ਬੁਲੰਦੀ ਉਤੇ ਮਹਿਸੂਸ ਕਰ ਰਹੀ ਹੈ। ਇਹ ਫਿਲਮ ਹੁਣ ਵੀ ਸਰੀ ਦੇ ਵੱਖ-ਵੱਖ ਸਿਨੇਮਾ ਘਰਾਂ ਵਿੱਚ ਦਿਖਾਈ ਜਾ ਰਹੀ ਹੈ।

ਕੁਨੈਕਟ ਸਿਨੇ ਨਾਲ ਗੱਲਬਾਤ ਕਰਦਿਆਂ ਸ਼ਹਿਨਾਜ਼ ਨੇ ਆਖਿਆ ਕਿ ਸਿੰਘ ਬਨਾਮ ਕੌਰ ਮੇਰੇ ਲਈ ਬਹੁਤ ਮਹੱਤਵਪੂਰਨ ਹੈ। ਇਸ ਤੋਂ ਸਾਬਤ ਹੁੰਦਾ ਹੈ ਕਿ ਮੈਂ ਇਕ ਅਭਿਨੇਤਰੀ ਦੇ ਤੌਰ ਤੇ ਆਪਣਾ ਢੁੱਕਵਾਂ ਸਥਾਨ ਪ੍ਰਾਪਤ ਕਰ ਲਿਆ ਹੈ। ਉਸ ਨੇ ਜ਼ਿਕਰ ਕੀਤਾ ਕਿ ਮਾਪਿਆਂ ਦੀ ਹਿਮਾਇਤ ਉਸ ਲਈ ਵੱਡੀ ਪ੍ਰੇਰਣਾ ਰਹੀ ਹੈ।

ਮੇਰੇ ਪਰਿਵਾਰ ਵਾਲਿਆਂ ਨੇ ਵੀ ਮੇਰੀ ਫਿਲਮ 'ਇਕ ਕੁੜੀ' ਬਹੁਤ ਪਸੰਦ ਕੀਤੀ ,ਜੋ ਮੇਰੇ ਲਈ ਮਾਣ ਵਾਲੀ ਗੱਲ ਹੈ। ਸ਼ਹਿਨਾਜ਼ ਨੇ ਦੱਸਿਆ ਕਿ ਉਸ ਦਾ ਭਰਾ ਸ਼ਹਿਬਾਜ਼ ਜਿਹੜਾ ਇਸ ਵੇਲੇ 'ਬਿੱਗ ਬਾਸ' ਦੇ ਘਰ ਵਿੱਚ ਹੈ ਆਪਣਾ ਵਧੀਆ ਕੰਮ ਕਰ ਰਿਹਾ ਹੈ। ਮੈਨੂੰ ਉਸ ਦੀ ਕਾਰਗੁਜ਼ਾਰੀ ਤੇ ਮਾਣ ਹੈ।