ਸ਼ਹਿਨਾਜ਼ ਗਿੱਲ ਨੇ 'ਸਾਡਾ ਕੁੱਤਾ ਟੌਮੀ' ਰੈਪਰ ਨਾਲ ਗਾਇਆ 'ਇਟਸ ਏ ਬੋਰਿੰਗ ਡੇਅ'

ਸੰਗੀਤਕਾਰ ਯਸ਼ਰਾਜ ਮੁਖਾਟੇ, ਜਿਨ੍ਹਾਂ ਨੇ ਪਹਿਲਾਂ ਸ਼ਹਿਨਾਜ਼ ਗਿੱਲ ਦੇ ਪ੍ਰਸ਼ੰਸਕਾਂ ਨੂੰ 'ਸਾਡਾ ਕੁੱਤਾ ਟੌਮੀ' ਗੀਤ ਦਾ ਤੋਹਫ਼ਾ ਦਿੱਤਾ ਸੀ, ਹੁਣ ਨਵਾਂ ਗੀਤ ਲੈ ਕੇ ਆ ਰਹੇ ਹਨ ਜਿਸ ਵਿਚ ਦੋਵੇਂ ਕਲਾਕਾਰ ਆਪਣੇ ਬੋਰਿੰਗ ਦਿਨ ਬਾਰੇ ਗੱਲ ਕਰਦੇ ਨਜ਼ਰ ਆ ਰਹੇ ਹਨ।

ਯਸ਼ਰਾਜ ਨੇ 2020 ਦੇ ਬਿੱਗ ਬੌਸ 13 ਦੌਰਾਨ ਦਰਸ਼ਕਾਂ ਵਿਚ ਖ਼ੂਬ ਮਕਬੂਲ ਹੋਈ ਸ਼ਹਿਨਾਜ਼ ਗਿੱਲ ਦੇ ਰੀਮਿਕਸ ਨਾਲ ਇੰਟਰਨੈੱਟ 'ਤੇ ਪ੍ਰਸਿੱਧੀ ਹਾਸਲ ਕੀਤੀ ਸੀ।

ਨਵੀਂ ਰਿਲੀਜ਼ ਵੀਡੀਓ ਵਿਚ ਬਿਗ ਬੌਸ 13 ਵਿਚ ਉਸਦੀ ਸਾਥਣ ਰਹੀ ਆਰਤੀ ਸਿੰਘ ਦੀਆਂ ਫੁਟੇਜ ਦਿਖਾਈਆਂ ਗਈਆਂ ਹਨ।ਵੀਡੀਓ ਦਾ ਨਾਂ ਹੈ 'ਬੋਰਿੰਗ ਡੇਅ।'

ਇਸ ਵੀਡੀਓ ਵਿਚ ਸ਼ਹਿਨਾਜ਼ ਆਰਤੀ ਨੂੰ ਆਪਣੇ ਬੋਰਿੰਗ ਦਿਨ ਬਾਰੇ ਦੱਸਦਿਆਂ ਕਹਿ ਰਹੀ ਹੈ ਕਿ ਉਸ ਨੂੰ ਕੋਈ ਪਿਆਰ ਨਹੀਂ ਕਰਦਾ ਤੇ ਨਾ ਕੋਈ ਗੱਲ ਕਰਦਾ ਹੈ। ਆਰਤੀ ਕਮਰੇ ਵਿਚੋਂ ਇਹ ਮਜ਼ਾਕ ਕਰਦਿਆਂ ਬਾਹਰ ਚਲੀ ਜਾਂਦੀ ਹੈ ਕਿ ਹੁਣ ਸ਼ਹਿਨਾਜ਼ ਉਸ ਨੂੰ ਬੋਰ ਕਰ ਰਹੀ ਹੈ।ਇਸ ਪਿੱਛੋਂ ਵੀਡੀਓ 'ਚ ਸ਼ਹਿਨਾਜ਼ ਤੇ ਯਸ਼ਰਾਜ ਇਕੱਠਿਆਂ ਗਾਉਂਦੇ ਤੇ ਨੱਚਦੇ ਦਿਖਾਈ ਦਿੰਦੇ ਨੇ।