ਅਦਾਕਾਰ ਅਭਿਸ਼ੇਕ ਬੱਚਨ ਦੇ ਸਿਰ 'ਤੇ ਡਿੱਗਿਆ ਸ਼ਟਰ

ਬਾਲੀਵੁੱਡ ਅਦਾਕਾਰ ਅਭਿਸ਼ੇਕ ਬੱਚਨ ਇਨ੍ਹੀਂ ਦਿਨੀਂ ਸੁਰਖੀਆਂ ਵਿੱਚ ਹਨ। ਅਭਿਸ਼ੇਕ ਬੱਚਨ ਆਪਣੀ ਅਦਾਕਾਰੀ ਦੇ ਨਾਲ-ਨਾਲ ਆਪਣੇ ਫੈਨਸ ਨਾਲ ਮਿਲਣ ਤੇ ਉਨ੍ਹਾਂ ਲਈ ਸਪੈਸ਼ਲ ਅਪੀਅਰੰਸ ਕਰਦੇ ਦੇਖੇ ਜਾਂਦੇ ਹਨ।ਤੁਹਾਨੂੰ ਦੱਸ ਦੇਈਏ ਕਿ ਅਭਿਸ਼ੇਕ ਬੱਚਨ ਬੀਤੇ ਦਿਨ ਸਟੇਡੀਅਮ ਵਿੱਚ ਦਿਖਾਈ ਦਿੱਤੇ। ਮੈਚ ਵਿੱਚ ਉਨ੍ਹਾਂ ਦੀ ਖਾਸ ਦਿਲਚਸਪੀ ਦੇਖੀ ਜਾ ਸਕਦੀ ਹੈ। ਪਿਛਲੇ ਕੁਝ ਦਿਨਾਂ ਤੋਂ ਉਨ੍ਹਾਂ ਨੂੰ ਲਗਾਤਾਰ ਕ੍ਰਿਕਟ ਦੇ ਮੈਚ ਦੇਖਦੇ ਦੇਖਿਆ ਜਾ ਰਿਹਾ ਹੈ।

ਬੀਤੇ ਦਿਨ ਵੀ ਇੰਡੀਆ ਦੇ ਟੀ-20 ਮੈਚ ਵਿੱਚ, ਅਭਿਸ਼ੇਕ ਬੱਚਨ ਨੂੰ ਸ਼ਹਿਨਸ਼ਾਹ ਅਮਿਤਾਭ ਬੱਚਨ ਨਾਲ ਦੇਖਿਆ ਗਿਆ। ਦੋਵਾਂ ਨੇ ਇਕੱਠੇ ਸੁਰਖੀਆਂ ਬਟੋਰੀਆਂ, ਪਰ ਇਸ ਤੋਂ ਬਾਅਦ ਕੁਝ ਅਜਿਹਾ ਹੋਇਆ ਜਿਨ ਨੂੰ ਦੇਖ ਕੇ ਅਦਾਕਾਰ ਦੇ ਪ੍ਰਸ਼ੰਸਕਾਂ ਨੂੰ ਚਿੰਤਾ ਹੋਣ ਲੱਗੀ।ਹਾਲ ਹੀ ਵਿੱਚ, ਅਮਿਤਾਭ ਬੱਚਨ ਅਤੇ ਅਭਿਸ਼ੇਕ ਬੱਚਨ ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਟੀ-20 ਮੈਚ ਦੇਖਣ ਲਈ ਵਾਨਖੇੜੇ ਸਟੇਡੀਅਮ ਆਏ ਸਨ। ਸ਼ਾਨਦਾਰ ਮੈਚ ਦਾ ਆਨੰਦ ਲੈਣ ਤੋਂ ਬਾਅਦ, ਉਹ 84 ਸਾਲ ਪੁਰਾਣੇ ਉਡੂਪੀ ਸ਼ੈਲੀ ਦੇ ਸ਼ਾਕਾਹਾਰੀ ਰੈਸਟੋਰੈਂਟ ਦਾ ਵੀ ਦੌਰਾ ਕੀਤਾ।

ਅਦਾਕਾਰ ਨੇ ਇੱਥੇ ਕਈ ਤਰ੍ਹਾਂ ਦੇ ਪਕਵਾਨਾਂ ਦਾ ਆਨੰਦ ਮਾਣਿਆ ਅਤੇ ਅੰਤ ਵਿੱਚ ਕੌਫੀ ਪੀਤੀ। ਅਦਾਕਾਰ ਦਾ ਕੈਫੇ ਜਾਣ ਦਾ ਇੱਕ ਵੀਡੀਓ ਵੀ ਆਨਲਾਈਨ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਬਿੱਗ ਬੀ ਅਤੇ ਅਭਿਸ਼ੇਕ ਕੈਫੇ ਜਾਂਦੇ ਦਿਖਾਈ ਦੇ ਰਹੇ ਹਨ। ਪਰ ਜਦੋਂ ਅਭਿਸ਼ੇਕ ਬੱਚਨ ਕੈਫੇ ਤੋਂ ਬਾਹਰ ਆ ਰਹੇ ਸਨ ਤਾਂ ਅਚਾਨਕ ਕੋਈ ਪਿੱਛੇ ਤੋਂ ਕੈਫੇ ਦਾ ਸ਼ਟਰ ਬੰਦ ਕਰਨਾ ਸ਼ੁਰੂ ਕਰ ਦਿੰਦਾ ਹੈ। ਕਿਉਂਕਿ ਅਭਿਸ਼ੇਕ ਬੱਚਨ ਲੰਬੇ ਹਨ, ਇਸ ਲਈ ਸ਼ਟਰ ਉਨ੍ਹਾਂ ਦੇ ਸਿਰ ‘ਤੇ ਵੱਜਦਾ ਹੈ। ਇਹ ਸਾਰਾ ਮਾਮਲਾ ਵੀਡੀਓ ਵਿੱਚ ਕੈਦ ਹੋ ਜਾਂਦਾ ਹੈ।