14.32C Vancouver 14.32C VancouverJul 28, 2022 12:32 PM - Agencies
ਪੰਜਾਬੀ ਕਲਾਕਾਰ ਸਿੱਧੂ ਮੂਸੇਵਾਲਾ ਨੂੰ ਮਰਨ ਉਪਰੰਤ ਦਾਦਾ ਸਾਹਿਬ ਫਾਲਕੇ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਇਹ ਐਵਾਰਡ ਅਫਸਾਨਾ ਖਾਨ ਅਤੇ ਉਨ੍ਹਾਂ ਦੇ ਪਤੀ ਸਾਜ਼ ਨੇ ਪ੍ਰਾਪਤ ਕੀਤਾ। ਦੋਵਾਂ ਨੇ ਸਟੇਜ 'ਤੇ ਜਾ ਕੇ ਸਿੱਧੂ ਮੂਸੇਵਾਲਾ ਦੀ ਤਰਫੋਂ ਪੁਰਸਕਾਰ ਸਵੀਕਾਰ ਕੀਤਾ।
ਸਿੱਧੂ ਮੂਸੇਵਾਲਾ ਦੇ ਗੀਤਾਂ ਵਿਚੋਂ ਅਫਸਾਨਾ ਨੂੰ ਕੁਝ ਸਤਰਾਂ ਗਾਉਣ ਲਈ ਵੀ ਬੇਨਤੀ ਕੀਤੀ ਗਈ।
ਇਸ 'ਤੇ ਅਫਸਾਨਾ ਖਾਨ ਨੇ ਸਿੱਧੂ ਦੇ ਵਾਇਰਲ ਗੀਤ 295 ਦਾ ਇੱਕ ਪੈਰਾ ਗਾਇਆ ਅਤੇ ਮੂਸੇਵਾਲਾ ਦੀ ਸਿਗਨੇਚਰ ਥਾਪੀ ਵੀ ਮਾਰ ਕੇ ਦਿਖਾਈ!
ਅਫਸਾਨਾ ਖਾਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਸ ਦੀ ਵੀਡੀਓ ਸ਼ੇਅਰ ਕੀਤੀ ਹੈ ਅਤੇ ਕੈਪਸ਼ਨ ਵਿਚ ਉਨ੍ਹਾਂ ਨੇ ਲਿਖਿਆ 'ਲੈਜੇਂਡਸ ਨੇਵਰ ਡਾਈ'। ਗੌਰਤਲਬ ਹੈ ਕਿ ਦਾਦਾ ਸਾਹਿਬ ਫਾਲਕੇ ਐਵਾਰਡ ਭਾਰਤ ਵਿਚ ਸਿਨੇਮਾ ਦੇ ਖੇਤਰ ਵਿਚ ਸਭ ਤੋਂ ਉੱਚਾ ਪੁਰਸਕਾਰ ਹੈ।
