ਸਮੀਪ ਕੰਗ ਲਿਆ ਰਹੇ ਨੇ 'ਸੰਨੀ ਦੀ ਬੰਨੀ'

ਪੰਜਾਬੀ ਸਿਨੇਮਾ ਦੇ ਉੱਘੇ ਨਿਰਦੇਸ਼ਕ ਸਮੀਪ ਕੰਗ ਇਕ ਵਾਰ ਫ਼ਿਰ ਵੱਡੇ ਪਰਦੇ 'ਤੇ ਤਹਿਲਕਾ ਮਚਾਉਣ ਲਈ ਆ ਰਹੇ ਹਨ। ਇਸ ਵਾਰ ਉਹ ਆਪਣੀ ਫ਼ਿਲਮ ਸੰਨੀ ਦੀ ਬੰਨੀ 'ਚ ਰੋਮਾਂਸ ਭਰਪੂਰ ਪੇਸ਼ਕਾਰੀ ਦਰਸ਼ਕਾਂ ਸਾਵੇ ਪਰੋਸਣਗੇ। ਇਹ ਫ਼ਿਲਮ ਵਿਕਰਮ ਬਾਜਵਾ ਦੀ ਪਲੇਠੀ ਫ਼ਿਲਮ ਹੈ, ਜਿਸ 'ਚ ਵਿਕਰਮ ਬਾਜਵਾ ਨੇ ਪਹਿਲੀ ਵਾਰ ਪਰਦੇ 'ਤੇ ਐਂਟਰੀ ਕੀਤੀ ਹੈ।

ਉਸ ਦੇ ਨਾਲ ਤਜ਼ਰਬੇਕਾਰ ਅਤੇ ਨਿੱਘੇ ਸੁਭਾਅ ਵਾਲੀ ਮਾਹੀ ਸ਼ਰਮਾ ਦੀ ਜੋੜੀ ਬਣੀ ਹੈ। 'ਸੰਨੀ ਦੀ ਬੰਨੀ' ਪੰਜਾਬੀ ਸਿਨੇਮਾ 'ਚ ਇਕ ਨਵੇਂ ਰੰਗ ਨੂੰ ਪੇਸ਼ ਕਰੇਗੀ, ਜਿਸ 'ਚ ਹਾਸੇ ਦੇ ਨਾਲ-ਨਾਲ ਦਿਲਾਂ ਦੀਆਂ ਗੱਲਾਂ ਅਤੇ ਰੋਮਾਂਸ ਭਰਪੂਰ ਪਲਾਂ ਦਾ ਚਿਤਰਨ ਵੀ ਹੋਵੇਗਾ।