ਸਮ੍ਰਿਤੀ ਈਰਾਨੀ ਨੇ ਜ਼ੈੱਡ ਸੁਰੱਖਿਆ ਦਰਮਿਆਨ ਸ਼ੂਟਿੰਗ ਕੀਤੀ ਸ਼ੁਰੂ

ਅਭਿਨੇਤਰੀ ਤੋਂ ਨੇਤਰੀ ਬਣੀ ਸਮ੍ਰਿਤੀ ਈਰਾਨੀ ਇਕ ਵਾਰ ਫਿਰ ਛੋਟੇ ਪਰਦੇ 'ਤੇ ਬੜੇ ਨਾਟਕੀ ਅੰਦਾਜ਼ 'ਚ ਵਾਪਸੀ ਕਰ ਰਹੀ ਹੈ। ਲਗਭਗ ਦੋ ਦਹਾਕੇ ਉਹ ਅਦਾਕਾਰੀ ਤੋਂ ਦੂਰ ਰਹੀ। 'ਸਾਸ ਬੀ ਕਬੀ ਬਹੁ ਥੀ' 'ਚ ਤੁਲਸੀ ਵਿਰਾਨੀ ਦੇ ਕਿਰਦਾਰ 'ਚ ਸ਼ਾਨਦਾਰ ਭੂਮਿਕਾ ਨਿਭਾਅ ਕੇ ਪ੍ਰਸਿੱਧੀ ਖੱਟਣ ਵਾਲੀ ਸ੍ਰਮਿਤੀ ਨੇ ਹੁਣ ਫਿਰ ਇਸ ਸ਼ੋਅ ਦੇ ਦੂਜੇ ਸੀਜ਼ਨ ਲਈ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ।

ਪ੍ਰਾਪਤ ਰਿਪੋਰਟਾਂ ਦੇ ਅਨੁਸਾਰ ਸ੍ਰਮਿਤੀ ਨੇ Z+ ਸੁਰੱਖਿਆ ਦਰਮਿਆਨ ਸ਼ੂਟਿੰਗ ਦਾ ਸਿਲਸਿਲਾ ਸ਼ੁਰੂ ਕੀਤਾ ਹੈ। ਉਸ ਦੇ ਨਾਲ ਪਹਿਰਾ ਦੇਣ ਵਾਲੇ ਸੁਰੱਖਿਆ ਕਰਮਚਾਰੀ ਸੈਟ 'ਤੇ ਬੜੀ ਨੇੜਿਓ ਨਜ਼ਰ ਰੱਖਦੇ ਹਨ। ਮੋਬਾਇਲ ਫੋਨ ਟੇਪ ਲਾ ਕੇ ਸੀਲ ਕੀਤੇ ਜਾ ਰਹੇ ਹਨ ਤਾਂ ਜੋ ਉਥੋਂ ਦੀ ਕੋਈ ਵੀ ਹਰਕਤ ਬਾਹਰੀ ਦੁਨੀਆ ਤੱਕ ਪਹੁੰਚਣ ਤੋਂ ਰੋਕੀ ਜਾ ਸਕੇ। ਇਸ ਮਾਮਲੇ 'ਚ ਸ੍ਰਮਿਤੀ ਈਰਾਨੀ ਉਸ ਦੇ ਸਾਥੀ ਕਲਾਕਾਰ ਅਮਰ ਉਪਾਧਿਆਏ ਨਿਰਮਾਤਾ ਏਕਤਾ ਕਪੂਰ ਸਮੇਤ ਕੁਝ ਲੋਕਾਂ ਨੂੰ ਹੀ ਫੋਨ ਵਰਤਣ ਦੀ ਇਜਾਜ਼ਤ ਹੈ।