ਪੰਜਾਬ ਦੇ ਹੜ੍ਹ ਪੀੜਤਾਂ ਲਈ ਬਾਲੀਵੁੱਡ ਨੇ ਵਧਾਏ ਕਦਮ

ਬਾਲੀਵੁੱਡ ਨੇ ਅਕਸਰ ਪੰਜਾਬ ਨੂੰ ਜਾਨਦਾਰ ਸੰਗੀਤ ਰੰਗ-ਬਰੰਗੇ ਸਭਿੱਆਚਾਰ ਅਤੇ ਵੱਡੀ ਊਰਜਾ ਵਾਲੀ ਮੌਜੂਦਗੀ ਵਾਸਤੇ ਆਪਣਾ ਪ੍ਰੇਰਣਾ ਸਰੋਤ ਮੰਨਿਆ ਹੈ। ਫਿਲਮ ਇੰਡਸਟਰੀ ਨੇ ਅੱਜ ਜੋ ਪੰਜਾਬ ਦਾ ਰੂਪ ਦੇਖਿਆ ਹੈ ਉਹ ਬੜਾ ਦੁਖਦਾਇਕ ਅਤੇ ਤ੍ਰਾਸਦੀ ਵਾਲਾ ਹੈ। ਹੜ੍ਹਾਂ ਨੇ ਸੂਬੇ ਦੇ ਵੱਡੇ ਹਿੱਸੇ ਨੂੰ ਤਬਾਹ ਕਰ ਦਿੱਤਾ ਹੈ। ਪੂਰੇ ਪਿੰਡ ਡੁੱਬ ਗਏ, ਘਰ ਰੁੜ ਗਏ, ਪਰਿਵਾਰ ਬੇਘਰ ਹੋ ਗਏ ਅਤੇ ਫਸਲਾਂ ਤਬਾਹ ਹੋ ਗਈਆਂ। ਇਹੋ ਕਾਰਨ ਹੈ ਕਿ ਫਿਲਮ ਨਗਰੀ ਦੇ ਬਹੁਤ ਸਾਰੇ ਲੋਕ ਅੱਜ ਪੰਜਾਬ ਦਾ ਦੁਖ-ਸੁੱਖ ਵੰਡਾਉਣ ਲਈ ਅੱਗੇ ਵਧੇ ਹਨ।

ਵਿੱਕੀ ਕੌਸ਼ਲ ਅਤੇ ਤਾਪਸੀ ਪਨੂੰ ਤੋਂ ਲੈ ਕੇ ਕਪੂਰ ਫੈਮਿਲੀ ਤੱਕ ਪੰਜਾਬ ਵਿੱਚ ਆਪਣੀ ਜੜ੍ਹਾਂ ਤਲਾਸ਼ੀਆਂ ਅਤੇ ਇਸ ਵਾਰ ਸਹਾਇਤਾ ਦਾ ਹੱਥ ਵਧਾਇਆ। ਬਲਾਕਬਸਟਰ ਫਿਲਮਾਂ ਲਈ ਜਾਣੇ ਜਾਂਦੇ ਸਲਮਾਨ ਖਾਨ ਨੇ ਪੰਜਾਬ ਦੇ ਹੜ੍ਹ ਪੀੜਤ ਇਲਾਕਿਆਂ ਵਿੱਚ ਸਹਾਇਤਾ ਲਈ 5 ਕਿਸ਼ਤੀਆਂ ਭੇਜੀਆਂ ਹਨ। ਇਨ੍ਹਾਂ ਕਿਸ਼ਤੀਆਂ ਨਾਲ ਹੜ੍ਹਾਂ ਦੇ ਪਾਣੀ ਵਿੱਚ ਫਸੇ ਲੋਕਾਂ ਨੂੰ ਬਚਾਇਆ ਜਾ ਰਿਹਾ ਹੈ ਅਤੇ ਲੋੜਵੰਦ ਲੋਕਾਂ ਤੱਕ ਖਾਣਾ ਪਹੁੰਚਾਇਆ ਜਾ ਰਿਹਾ ਹੈ।

ਸਲਮਾਨ ਖਾਨ ਨੇ ਬਿਸ ਬੌਸ 19 ਦੇ 'ਵੀਕੈਂਡ ਕਾ ਵਾਰ ਐਪੀਸੋਡ' ਦੌਰਾਨ ਇਸ ਸੰਕਟ ਬਾਰੇ ਗੱਲ ਕੀਤੀ ਅਤੇ ਕਿਹਾ ਕਿ ਅਸੀਂ ਜੋ ਕਰ ਸਕਦੇ ਹਾਂ ਕਰ ਰਹੇ ਹਾਂ। ਅਸੀਂ ਰਾਹਤ ਫੰਡ ਵਿੱਚ ਯੋਗਦਾਨ ਪਾਇਆ। ਪੰਜਾਬੀ ਗਾਇਕ ਵੀ ਇਸ ਮਾਮਲੇ ਵਿੱਚ ਪਿੱਛੇ ਨਹੀਂ ਰਹੇ। ਸਭ ਨੇ ਵੱਧ ਚੜ੍ਹ ਕੇ ਲੋਕਾਂ ਵੱਲ ਮਦਦ ਦਾ ਹੱਥ ਵਧਾਇਆ ਹੈ।