26.59C Vancouver 26.59C VancouverAug 24, 2022 12:04 AM - Agencies
ਭਾਜਪਾ ਨੇਤਾ ਅਤੇ ਅਦਾਕਾਰਾ ਸੋਨਾਲੀ ਫੋਗਾਟ ਦੀ ਸੋਮਵਾਰ ਰਾਤ ਗੋਆ ਵਿਚ ਦਿਲ ਦਾ ਦੌਰਾ ਪੈਣ ਨਾਲ ਮੌਤ ਹੋ ਗਈ। ਉਹ 41 ਸਾਲਾਂ ਦੀ ਸੀ।
ਫੋਗਾਟ ਦੀ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਵੀਡੀਓ ਪੋਸਟ ਕੀਤੀ ਹੋਈ ਸਾਹਮਣੇ ਆਈ ਹੈ, ਜੋ ਸ਼ਾਇਦ ਉਸ ਦੀ ਮੌਤ ਤੋਂ ਕੁਝ ਸਮਾਂ ਪਹਿਲਾਂ ਦੀ ਹੈ। ਨਾਲ ਹੀ, ਉਸ ਨੇ ਉਸੇ ਸਮੇਂ ਟਵਿੱਟਰ ਅਕਾਊਂਟ 'ਤੇ ਵੀ ਆਪਣੀ ਪ੍ਰੋਫਾਈਲ ਫੋਟੋ ਬਦਲੀ ਸੀ।
ਵੀਡੀਓ ਵਿਚ ਉਹ ਗੁਲਾਬੀ ਰੰਗ ਦੇ ਦੁਪੱਟੇ ਨਾਲ ਆਪਣਾ ਚਿਹਰਾ ਢੱਕਦੀ ਨਜ਼ਰ ਆ ਰਹੀ ਹੈ ਅਤੇ ਮੁਹੰਮਦ ਰਫੀ ਦੇ ਗੀਤ 'ਰੁਖ ਸੇ ਜਰਾ ਨਿਕਾਬ ਤੋਂ ਹਟਾ ਦੋ ਮੇਰੇ ਹਜ਼ੂਰ...' 'ਤੇ ਐਕਟਿੰਗ ਕਰ ਰਹੀ ਹੈ।
ਗੌਰਤਲਬ ਹੈ ਕਿ ਸੋਨਾਲੀ ਫੋਗਾਟ ਆਪਣੇ ਕੁਝ ਸਟਾਫ ਮੈਂਬਰਾਂ ਨਾਲ ਗੋਆ ਗਈ ਸੀ। ਦੱਸ ਦੇਈਏ ਕਿ ਫੋਗਾਟ ਨੇ ਵਿਧਾਨ ਸਭਾ ਚੋਣਾਂ ਦੌਰਾਨ ਭਾਜਪਾ ਉਮੀਦਵਾਰ ਦੇ ਤੌਰ 'ਤੇ ਆਦਮਪੁਰ ਤੋਂ ਕੁਲਦੀਪ ਬਿਸ਼ਨੋਈ ਖਿਲਾਫ਼ ਚੋਣ ਲਈ ਸੀ, ਜੋ ਉਹ ਹਾਰ ਗਏ ਸਨ।
