ਸੁਨੀਤਾ ਆਹੂਜਾ ਨੇ ਆਪਣੇ ਪਤੀ ਗੋਵਿੰਦਾ ਨਾਲ ਜੁੜੀ ਇਕ ਔਰਤ ਬਾਰੇ ਕੀਤਾ ਖੁਲਾਸਾ

ਬਾਲੀਵੁੱਡ ਅਭਿਨੇਤਾ ਗੋਵਿੰਦਾ ਦੀ ਪਤਨੀ ਸੁਨੀਤਾ ਆਹੂਜਾ ਨੇ ਗੋਵਿੰਦਾ ਦੇ ਇਕ ਔਰਤ ਨਾਲ ਸੰਬੰਧਾਂ ਨੂੰ ਲੈ ਕੇ ਟਿੱਪਣੀ ਕੀਤੀ, ਜਿਸ ਤੋਂ ਬਾਅਦ ਕਾਫੀ ਚਰਚਾ ਛਿੜ ਗਈ ਹੈ। ਸੁਨੀਤਾ ਦੀ ਟਿੱਪਣੀ ਤੋਂ ਲੱਗਦਾ ਹੈ ਜਿਵੇਂ ਉਸ ਦੇ ਵਿਆਹੁਤਾ ਸੰਬੰਧ ਮੁਸ਼ਕਲਾਂ ਵਿੱਚ ਹਨ।

ਬੀਤੇ ਦਿਨੀਂ ਇਕ ਗੱਲਬਾਤ ਦੌਰਾਨ ਸੁਨੀਤਾ ਨੇ ਦੱਸਿਆ ਕਿ ਅਭਿਨੇਤਾ ਦੇ ਕਿਸੇ ਹੋਰ ਨਾਲ ਸੰਬੰਧ ਹੋ ਸਕਦੇ ਹਨ ਅਤੇ ਉਸ ਨੂੰ ਕਥਿਤ ਬਲੈਕਮੇਲ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਉਸ ਨੇ ਕਿਹਾ ਜੇ ਇਨ੍ਹਾਂ ਦਾਅਵਿਆਂ ਦੀ ਪੁਸ਼ਟੀ ਹੋ ਜਾਂਦੀ ਹੈ ਤਾਂ ਇਸ ਮਾਮਲੇ ਵਿੱਚ ਮੁਆਫੀ ਕੋਈ ਬਦਲ ਨਹੀਂ ਹੋਵੇਗੀ।

ਸੁਨੀਤਾ ਨੇ ਗੋਵਿੰਦਾ ਨਾਲ ਇਕ ਔਰਤ ਬਾਰੇ ਇਸ਼ਾਰਾ ਕਰਦਿਆਂ ਸਿਰਫ 'ਕੋਮਲ' ਨਾਂਅ ਦਾ ਜ਼ਿਕਰ ਕੀਤਾ, ਜਿਸ ਨੇ ਛੇਤੀ ਹੀ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿਚਿਆ। ਇਸ ਨਾਂਅ ਦੇ ਜ਼ਿਕਰ ਨੇ ਵਿਵਾਦ ਦੀ ਅੱਗ 'ਤੇ ਤੇਲ ਦਾ ਕੰਮ ਕੀਤਾ। ਹੁਣ ਇਸ ਜੋੜੇ ਦੀ ਵਿਆਹੁਤਾ ਜ਼ਿੰਦਗੀ ਇਕ ਵਾਰ ਫਿਰ ਸੁਰਖੀਆਂ ਵਿੱਚ ਆ ਗਈ ਹੈ।