ਕਰਨ ਔਜਲਾ ਨੇ ਨਵਾਂ ਟਰੈਕ 'ਬੁਆਏਫ੍ਰੈਂਡ' ਕੀਤਾ ਰਿਲੀਜ਼

ਸਰੀ ਬ੍ਰਿਟਿਸ਼ ਕੋਲੰਬੀਆ ਦੇ ਮਸ਼ਹੂਰ ਪੰਜਾਬੀ ਗਾਇਕ ਕਰਨ ਔਜਲਾ ਨੇ ਆਪਣਾ ਨਵਾਂ ਸਿੰਗਲ ਟਰੈਂਕ 'ਬੁਆਏਫਰੈਂਡ' ਰਿਲੀਜ਼ ਕੀਤਾ ਹੈ, ਜਿਸ ਵਿੱਚ ਉਨ੍ਹਾਂ ਨਾਲ ਪ੍ਰਸਿੱਧ ਪੰਜਾਬੀ ਗਾਇਕਾ ਸੁਨੰਦਾ ਸ਼ਰਮਾ ਨੇ ਵੀ ਹਿੱਸਾ ਲਿਆ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਦੋਵੇਂ ਪੰਜਾਬੀ ਸਿਤਾਰੇ ਇਕੱਠੇ ਸ੍ਰਕੀਨ ਤੇ ਨਜ਼ਰ ਆ ਰਹੇ ਹਨ, ਜਿਸ ਕਾਰਨ ਰਿਲੀਜ਼ ਤੋਂ ਪਹਿਲਾਂ ਹੀ ਗੀਤ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਸੀ।

ਇਹ ਪ੍ਰਾਜੈਕਟ ਸਾਲ ਦੇ ਵਿਚਾਲੇ ਸ਼ੁਰੂ ਕੀਤਾ ਗਿਆ ਹੈ, ਜਿਸ ਨੂੰ ਦਰਸ਼ਕਾਂ ਵਲੋਂ ਖੂਬ ਪਸੰਦ ਕੀਤਾ ਜਾ ਰਿਹਾ। ਕਿਉਂਕਿ ਕਰਨ ਔਜਲਾ ਅਤੇ ਸੁਨੰਦਾ ਸ਼ਰਮਾ ਦੇ ਚਾਹੁਣ ਵਾਲੇ ਨਾ ਸਿਰਫ਼ ਭਾਰਤ ਵਿੱਚ,ਸਗੋਂ ਕੈਨੇਡਾ,ਆਸਟ੍ਰੇਲੀਆ ਅਤੇ ਅਮਰੀਕਾ ਵਿੱਚ ਵੀ ਬਹੁਤ ਵੱਡੀ ਗਿਣਤੀ ਵਿੱਚ ਹਨ। ਆਪਣੇ ਸ਼ਾਨਦਾਰ ਕਲਾਕਾਰ ਅਤੇ ਗਾਣਿਆਂ ਰਾਹੀਂ ਮਸ਼ਹੂਰ ਹੋਏ ਕਰਨ ਔਜਲਾ ਨੇ ਸਰੀ ਤੋਂ ਲੈ ਕੇ ਵਿਸ਼ਵ ਪੱਧਰ ਤੇ ਆਪਣਾ ਵੱਖਰਾ ਮੁਕਾਮ ਬਣਾਇਆ ਹੈ।

ਬੁਆਏਫਰੈਂਡ ਗੀਤ ਦੇ ਜਾਰੀ ਹੋਣ ਦੇ ਕੁਝ ਘੰਟਿਆਂ ਵਿੱਚ ਹੀ ਇਹ ਗੀਤ ਪੰਜਾਬੀ ਮਿਊਜ਼ਿਕ ਚਾਰਟ 'ਤੇ ਛਾ ਗਿਆ ਹੈ ਅਤੇ ਆਪਣਾ ਨਵੇਂ ਕੀਰਤੀਮਾਨ ਸਥਾਪਿਤ ਕਰ ਰਿਹਾ ਹੈ।ਸੰਗੀਤ ਮਾਹਰਾਂ ਦਾ ਕਹਿਣਾ ਹੈ ਕਿ ਇਹ ਗੀਤ ਪੰਜਾਬੀ ਸੰਗੀਤ ਦੇ ਨਵੇਂ ਰੂਪ ਦੀ ਪੇਸ਼ਕਾਰੀ ਕਰਦਾ ਹੈ। ਆਪਣੇ ਨਵੇਂ ਗੀਤ 'ਬੁਆਏਫਰੈਂਡ'ਨਾਲ ਕਰਨ ਔਜਲਾ ਅਤੇ ਸੁਨੰਦਾ ਸ਼ਰਮਾ ਨੇ ਇਹ ਫਿਰ ਸਾਬਤ ਕੀਤਾ ਹੈ ਕਿ ਪੰਜਾਬੀ ਸੰਗੀਤ ਹਰ ਦਿਨ ਨਵੀਂ ਦਿਸ਼ਾ ਨਾਲ ਅੱਗੇ ਵੱਧ ਰਿਹਾ ਹੈ।