ਦਿਲਜੀਤ ਦੋਸਾਂਝ ਦੀ ਟੀ-ਸੀਰੀਜ਼ ਨਾਲ ਜਾਰੀ ਰਹੇਗੀ ਸਾਂਝ

ਦਿਲਜੀਤ ਦੋਸਾਂਝ ਦੀ ਪੰਜਾਬੀ ਫਿਲਮ ਸਰਦਾਰ ਜੀ 3 ਬਾਰੇ ਛਿੜੇ ਵਿਵਾਦ ਤੋਂ ਬਾਅਦ ਅਜਿਹੀਆਂ ਅਟਕਲਾਂ ਵੀ ਲੱਗ ਰਹੀਆਂ ਸਨ ਕਿ ਸ਼ਾਇਦ ਉਸ ਨੂੰ ਸਨੀ ਦਿਓਲ ਦੀ 'ਬਾਰਡਰ 2' 'ਚੋਂ ਵੀ ਬਾਹਰ ਹੋਣਾ ਪਵੇਗਾ। ਇਸ ਤੋਂ ਬਾਅਦ ਅਜਿਹੀਆਂ ਅਫਵਾਹਾਂ ਵੀ ਸਾਹਮਣੇ ਆਈਆਂ ਸਨ ਕਿ ਸ਼ਾਇਦ ਟੀ-ਸੀਰੀਜ਼ ਵਰਗੀ ਕੰਪਨੀ ਦਿਲਜੀਤ ਨਾਲ ਆਪਣੀ ਸਾਂਝ ਖਤਮ ਕਰ ਦੇਵੇਗੀ।

ਹੁਣ ਇਨ੍ਹਾਂ ਅਫਵਾਹਾਂ ਦਾ ਕੰਪਨੀ ਨੇ ਖੁਦ ਹੀ ਖੰਡਨ ਕਰਦਿਆਂ ਸਪੱਸ਼ਟ ਕੀਤਾ ਹੈ ਕਿ ਉਨ੍ਹਾਂ ਦੀ ਦਿਲਜੀਤ ਨਾਲ ਸਾਂਝ ਜਾਰੀ ਰਹੇਗੀ। ਹੁਣ 'ਸਰਦਾਰ ਜੀ 3' ਵੀ ਕਾਫੀ ਲੋਕਪ੍ਰਿਅਤਾ ਹਾਸਲ ਕਰ ਰਹੀ ਹੈ ਅਤੇ 'ਬਾਰਡਰ 2' 'ਚ ਦਿਲਜੀਤ ਦੋਸਾਂਝ ਦੀ ਸ਼ੂਟਿੰਗ ਨੇ ਇਹ ਵੀ ਸਾਫ ਕਰ ਦਿੱਤਾ ਹੈ ਕਿ ਉਹ ਇਸ ਫਿਲਮ ਨਾਲ ਜੁੜਿਆ ਰਹੇਗਾ।