19C Vancouver 19C VancouverSep 23, 2022 12:35 PM - Agencies
ਟੈਲੀਵਿਜ਼ਨ ਅਦਾਕਾਰਾ ਤੇ ਰਿਐਲਿਟੀ ਸ਼ੋਅ ਸਟਾਰ ਤੇਜਸਵੀ ਪ੍ਰਕਾਸ਼ ਨੇ ਗੋਆ ਵਿਚ ਇੱਕ ਨਵਾਂ ਘਰ ਖਰੀਦਿਆ ਹੈ। ਨਾਗਿਨ ਦੀ ਅਦਾਕਾਰਾ ਕਾਫ਼ੀ ਖ਼ੁਸ਼ ਹੈ।
ਉਸ ਦੇ ਬੁਆਏਫ੍ਰੈਂਡ ਕਰਨ ਕੁੰਦਰਾ ਨੇ ਆਪਣੇ ਇੰਸਟਾਗ੍ਰਾਮ ਸਟੋਰੀਜ਼ 'ਤੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਵਿਚ ਤੇਜਸਵੀ ਨੂੰ ਆਪਣੇ ਨਵੇਂ ਘਰ ਦੀਆਂ ਚਾਬੀਆਂ ਲੈਂਦਿਆਂ ਦੇਖਿਆ ਜਾ ਸਕਦਾ ਹੈ।
ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਕੁੰਦਰਾ ਨੇ ਲਿਖਿਆ ਕਿ ਉਸ ਨੂੰ ਆਪਣੇ 'ਛੋਟੇ ਜਿਹੇ ਮਿਹਨਤੀ ਮਾਊਸ' 'ਤੇ ਬਹੁਤ ਮਾਣ ਹੈ ਅਤੇ ਕਿਹਾ ਕਿ ਮੇਰੀ ਪ੍ਰਾਥਰਨਾ ਹੈ ਕਿ ਉਹ ਹਰ ਉਸ ਸ਼ਹਿਰ ਵਿਚ ਇੱਕ ਘਰ ਖਰੀਦੇ ਜਿਸ ਨੂੰ ਉਹ ਪਿਆਰ ਕਰਦੀ ਹੈ।
ਉੱਥੇ ਹੀ, ਟੈਲੀਵਿਜ਼ਨ ਅਦਾਕਾਰਾ ਤੇਜਸਵੀ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀਜ਼ 'ਤੇ ਕਰਨ ਨਾਲ ਆਪਣੀ ਗੋਆ ਟ੍ਰਿਪ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਤੇਜਸਵੀ ਨੇ ਕਰਨ ਦੀ ਪੱਪੀ ਨਾਲ ਖੇਡਦੇ ਹੋਏ ਦੀ ਇੱਕ ਪਿਆਰੀ ਤਸਵੀਰ ਵੀ ਸਾਂਝੀ ਕੀਤੀ ਹੈ।
