14.39C Vancouver 14.39C VancouverMay 16, 2022 12:37 PM - Agencies
ਦਿ ਕਪਿਲ ਸ਼ਰਮਾ ਸ਼ੋਅ ਜਲਦ ਹੀ ਖ਼ਤਮ ਹੋਣ ਜਾ ਰਿਹਾ ਹੈ। ਸ਼ੋਅ ਦੇ ਕਾਲਕਾਰਾਂ ਨੇ ਮੌਜੂਦਾ ਸੀਜ਼ਨ ਨੂੰ ਯਾਦਗਾਰੀ ਬਣਾਉਣ ਲਈ ਇਸ ਦੇ ਅੰਤ 'ਤੇ ਪਾਰਟੀ ਦਾ ਆਯੋਜਨ ਕੀਤਾ। ਪਾਰਟੀ ਵਿਚ ਕਪਿਲ ਸ਼ਰਮਾ, ਸਮੋਨਾ ਚੱਕਰਵਰਤੀ, ਅਰਚਨਾ ਪੂਰਨ ਸਿੰਘ, ਕੀਕੂ ਸ਼ਾਰਧਾ ਅਤੇ ਕਰੁਸ਼ਨਾ ਅਬੀਸ਼ੇਕ ਸਣੇ ਕਈ ਜਣੇ ਸ਼ਾਮਲ ਹੋਏ।
ਭੂਰੀ ਦਾ ਰੋਲ ਅਦਾ ਕਰਨ ਵਾਲੀ ਸਮੋਨਾ ਚੱਕਰਵਰਤੀ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਪਾਰਟੀ ਦੀਆਂ ਕੁਝ ਤਸਵੀਰਾਂ ਪੋਸਟ ਕੀਤੀਆਂ ਹਨ।
ਇੱਕ ਤਸਵੀਰ ਵਿਚ ਸਮੋਨਾ ਸਾਥੀ ਕਲਾਕਾਰ ਕਰੁਸ਼ਨਾ ਤੇ ਕੀਕੂ ਨਾਲ ਸੈਲਫੀ ਲੈਂਦੇ ਦੇਖੀ ਜਾ ਸਕਦੀ ਹੈ। ਤਸਵੀਰ ਵਿਚ ਚੰਦਨ ਪ੍ਰਭਾਕਰ ਨੂੰ ਵੀ ਦੇਖਿਆ ਜਾ ਸਕਦਾ ਹੈ। ਇਕ ਹੋਰ ਤਸਵੀਰ ਵਿਚ ਕਪਿਲ ਸ਼ਰਮਾ ਅਤੇ ਅਰਚਨਾ ਪੂਰਨ ਸਿੰਘ ਸਮੋਨਾ ਨਾਲ ਤਸਵੀਰ ਖਿਚਵਾਉਂਦੇ ਨਜ਼ਰ ਆ ਰਹੇ ਹਨ। ਕੈਪਸ਼ਨ ਵਿਚ ਲਿਖਿਆ ਗਿਆ ਹੈ ਕਿ "ਹੁਣ ਇਹ ਬੰਦ ਹੋ ਰਿਹਾ ਹੈ! ਫਿਰ ਮਿਲਾਂਗੇ ਇਕ ਛੋਟੇ ਸੇ ਬ੍ਰੇਕ ਕੇ ਬਾਅਦ''
ਗੌਰਤਲਬ ਹੈ ਕਿ ਮਾਰਚ ਵਿਚ ਇਹ ਕਿਹਾ ਗਿਆ ਸੀ ਕਿ ਕਪਿਲ ਹੋਰ ਕੰਮਾਂ ਵਿਚ ਵਿਅਸਤ ਹਨ ਇਸ ਲਈ ਸ਼ੋਅ ਬ੍ਰੇਕ ਲਵੇਗਾ। ਹਾਲਾਂਕਿ, ਫਿਰ ਨਵੇਂ ਸੀਜ਼ਨ ਨਾਲ ਇਹ ਵਾਪਸ ਸ਼ੁਰੂ ਹੋਵੇਗਾ। ਕਪਿਲ ਇੱਕ ਮਹੀਨੇ ਲਈ ਅਮਰੀਕਾ ਜਾ ਰਹੇ ਹਨ, ਨਾਲ ਹੀ ਉਹ ਬਾਲੀਵੁੱਡ ਦੇ ਕਈ ਹੋਰ ਪ੍ਰੋਜੈਕਟਾਂ ਵਿਚ ਵੀ ਰੁੱਝੇ ਹੋਏ ਹਨ। ਜਨਵਰੀ 2021 ਵਿਚ ਦੂਜੀ ਵਾਰ ਪਿਤਾ ਬਣਨ 'ਤੇ ਵੀ ਕਪਿਲ ਨੇ ਆਪਣੇ ਸ਼ੋਅ ਤੋਂ ਬ੍ਰੇਕ ਲਿਆ ਸੀ।
