ਰੁਪਿੰਦਰ ਹਾਂਡਾ ਨੂੰ ਕਿਉਂ ਆਇਆ ਗੁੱਸਾ

Jasmine Singh

ਪੰਜਾਬੀ ਗਾਇਕਾ ਰੁਪਿੰਦਰ ਹਾਂਡਾ ਨੂੰ ਕਾਲੀ ਐਕਟਿਵਾ ਵਰਗੀ ਹਿੱਟ ਪੇਸ਼ਕਾਰੀ ਸਦਕਾ ਬੇਹੱਦ ਪ੍ਰਸਿੱਧੀ ਮਿਲੀ ਅਤੇ ਸੋਸ਼ਲ ਮੀਡੀਆ 'ਤੇ ਇਸ ਗਾਣੇ ਨਾਲ ਰੀਲਾਂ ਅਤੇ ਵੀਡੀਓ ਬਣਾਉਣ ਵਾਲੇ ਉਸ ਦੇ ਪ੍ਰਸ਼ੰਸਕਾਂ ਦਾ ਹੜ ਆ ਗਿਆ ਪਰ ਹਾਲ ਹੀ 'ਚ ਰੁਪਿੰਦਰ ਹਾਂਡਾ ਕੁਝ ਹੋਰ ਕਾਰਨਾਂ ਕਰਕੇ ਚਰਚਿਤ ਹੋ ਰਹੀ ਹੈ। ਹਾਲਾਂਕਿ ਇਨ੍ਹਾਂ ਗੱਲਾਂ ਦੀ ਕੋਈ ਉਮੀਦ ਨਹੀਂ ਸੀ। ਪਿਛਲੇ ਹਫਤੇ ਕੈਨੇਡਾ ਦੇ ਸ਼ਹਿਰ ਐਡਮਿੰਟਨ,ਜਿਸ ਨੂੰ ਪੰਜਾਬੀ ਸੰਗੀਤ ਪ੍ਰੇਮੀਆਂ ਦੇ ਸ਼ਹਿਰ ਵਜੋਂ ਜਾਣਿਆ ਜਾਂਦਾ ਹੈ ਵਿੱਚ ਰੁਪਿੰਦਰ ਨਾਲ ਕੁਝ ਅਜੀਬ ਘਟਨਾ ਚੱਕਰ ਵਾਪਰਿਆ।

ਐਡਮਿੰਟਨ ਵਿੱਚ ਉਸ ਨੇ ਇਕ ਸਟੇਜ 'ਤੇ ਪਰਫਾਰਮ ਕਰਨਾ ਸੀ ਪਰ ਉੱਥੇ ਮੌਜੂਦ ਦਰਸ਼ਕਾਂ ਦਾ ਗੁੱਸਾ ਉਸ ਵੇਲੇ ਭੜਕ ਗਿਆ ਜਦੋਂ ਰੁਪਿੰਦਰ ਹਾਂਡਾ ਮੰਚ 'ਤੇ ਦੇਰ ਨਾਲ ਪੁੱਜੀ, ਇਹ ਦੇਰੀ ਵੀ ਕੁਝ ਮਿੰਟਾਂ ਦੀ ਨਹੀਂ ਸੀ ਸਗੋਂ ਗਾਇਕਾ 4-5 ਘੰਟੇ ਲੇਟ ਸੀ। ਉਸ ਤੋਂ ਬਾਅਦ ਉੱਥੇ ਅਜਿਹਾ ਦ੍ਰਿਸ਼ ਬਣ ਗਿਆ,ਜਿਸ ਦੀ ਕਿਸੇ ਨੂੰ ਉਮੀਦ ਨਹੀਂ ਸੀ। ਗੁੱਸੇ 'ਚ ਭਰੀ ਭੀੜ ਨੇ ਵਿਰੋਧ ਪ੍ਰਦਰਸ਼ਨ ਸ਼ੁਰੂ ਕਰ ਦਿੱਤਾ ਅਤੇ ਦਰਸ਼ਕ ਇਸ ਗੱਲ ਦੀ ਮੰਗ ਕਰਨ ਲੱਗੇ ਕਿ ਰੁਪਿੰਦਰ ਹਾਂਡਾ ਨੂੰ ਇਸ ਦੇਰੀ ਲਈ ਮੁਆਫ਼ੀ ਮੰਗਣੀ ਚਾਹੀਦੀ ਹੈ ਜਦੋਂ ਰੁਪਿੰਦਰ ਹਾਂਡਾ ਨੇ ਸਟੇਜ ਸੰਭਾਲੀ ਤਾਂ ਉਸ ਨੇ ਕੋਈ ਪੇਸ਼ਕਾਰੀ ਨਹੀਂ ਦਿੱਤੀ ਸਗੋਂ ਉਹ ਆਪਣਾ ਬਚਾਅ ਕਰਨ ਲੱਗ ਗਈ।ਉਹ ਕਾਫੀ ਗੁੱਸੇ ਚ ਆ ਗਈ।

ਉਸ ਨੇ ਇਸ ਸਾਰੀ ਸਮੱਸਿਆ ਲਈ ਪ੍ਰਮੋਟਰਾਂ ਨੂੰ ਜ਼ਿੰਮੇਵਾਰ ਠਹਿਰਾਇਆ। ਜਦੋਂ ਕਿ ਪ੍ਰਮੋਟਰਾਂ ਨੇ ਕਿਹਾ ਕਿ ਸਾਰੀ ਗਲਤੀ ਰੁਪਿੰਦਰ ਹਾਂਡਾ ਦੀ ਸੀ। ਗਾਇਕ ਅਤੇ ਪ੍ਰਮੋਟਰਾਂ ਦਰਮਿਆਨ ਸਟੇਜ 'ਤੇ ਇਕ ਬਹਿਸ ਛਿੜ ਗਈ। ਜਦੋਂ ਗੁੱਸਾ ਅਤੇ ਤਣਾਅ ਜ਼ਿਆਦਾ ਭੜਕ ਗਿਆ ਤਾਂ ਪੁਲਿਸ ਨੂੰ ਬੁਲਾਉਣਾ ਪਿਆ। ਰੁਪਿੰਦਰ ਹਾਂਡਾ ਸੁਰੱਖਿਆ ਘੇਰੇ 'ਚ ਮੰਚ ਤੋਂ ਚਲੀ ਗਈ।ਹੁਣ ਇਨ੍ਹਾਂ ਘਟਨਾਵਾਂ ਦੇ ਵੀਡੀਓ ਕਲਿਪ ਅਤੇ ਪ੍ਰਸ਼ੰਸਕਾਂ ਦੀਆਂ ਪ੍ਰਤੀਕਿਰਿਆਵਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।