11.88C Vancouver 11.88C VancouverJan 12, 2022 12:18 AM - ANI
ਆਪਣੀ ਵਿਲੱਖਣ ਫੈਸ਼ਨ ਚੁਆਇਸਿਜ਼ ਨਾਲ ਹਮੇਸ਼ਾ ਚਰਚਾ ਵਿਚ ਰਹਿਣ ਵਾਲੀ ਉਰਫ਼ੀ ਜਾਵੇਦ ਇਕ ਵਾਰ ਫਿਰ ਫੰਕੀ ਟੀ-ਸ਼ਰਟ "ਤੇ ਲਿਖੀ ਇਬਾਰਤ ਨਾਲ ਨਜ਼ਰਾਂ ਵਿਚ ਆ ਗਈ ਹੈ।
ਬਿੱਗ ਬੌਸ ਓ ਟੀ ਟੀ ਪ੍ਰਤੀਯੋਗੀ ਨੂੰ ਜਾਵੇਦ ਅਖ਼ਤਰ ਦੀ ਪਰਿਵਾਰ ਨਾਲ ਜੋੜਨ ਸੰਬੰਧੀ ਸੋਸ਼ਲ ਮੀਡੀਆ 'ਤੇ ਚੱਲ ਰਹੀਆਂ ਕਿਆਸਰਾਈਆਂ ਦਾ ਵਿਰੋਧ ਕਰਨ ਲਈ ਉਰਫ਼ੀ ਨੇ ਇਸ ਤਰੀਕੇ ਦਾ ਸਹਾਰਾ ਲਿਆ ਹੈ।
ਪਿਛਲੇ ਦਿਨੀਂ ਉਰਫ਼ੀ ਨੂੰ ਏਅਰਪੋਰਟ 'ਤੇ ਇਕ ਸਫੇਦ ਟੀ—ਸ਼ਰਟ ਵਿਚ ਦੇਖਿਆ ਗਿਆ ਜਿਸ 'ਤੇ ਲਿਖਿਆ ਸੀ -'ਨੌਟ ਜਾਵੇਦ ਅਖ਼ਤਰਜ਼ ਗਰੈਂਡਡਾਟਰ' ਭਾਵ ਮੈਂ ਜਾਵੇਦ ਅਖ਼ਤਰ ਦੀ ਪੋਤੀ ਨਹੀਂ ਹਾਂ।
ਇਸ ਟੀ—ਸ਼ਰਟ ਨੂੰ ਉਰਫ਼ੀ ਨੇ ਕਾਲੇ ਰੰਗ ਦੀ ਲੈਗਿੰਗ ਨਾਲ ਪੇਅਰ ਕੀਤਾ ਸੀ।ਇਸ ਦੇ ਨਾਲ ਉਸ ਨੇ ਧਾਰਮਿਕ ਗ੍ਰੰਥ ਸ੍ਰੀਮਦ ਭਗਵਦ ਗੀਤਾ ਵੀ ਹੱਥ 'ਚ ਫੜੀ ਹੋਈ ਸੀ।
ਇਹ ਪਹਿਲੀ ਵਾਰ ਨਹੀਂ ਹੋਇਆ ਕਿ ਉਸ ਨੇ ਆਪਣੇ ਲਿਬਾਸ ਨਾਲ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੋਵੇ। ਇਸ ਤੋਂ ਪਹਿਲਾਂ ਵੀ ਬੈਲਾ ਹਦੀਦ ਅਤੇ ਕੇਂਡਲ ਜੇਨਰ ਦੇ ਸਟਾਈਲ ਦੀ ਨਕਲ ਕਰਨ ਕਾਰਨ ਨੈਟੀਜ਼ਨਜ਼ ਵਲੋਂ ਉਸ ਨੂੰ ਟ੍ਰੋਲ ਕੀਤਾ ਗਿਆ ਸੀ।
