ਹਿੰਦੀ ਫ਼ਿਲਮ ਵਿੱਕੀ ਡੋਨਰ ਦੀ ਥੀਏਟਰ 'ਚ ਵਾਪਸੀ

ਬਾਲੀਵੁੱਡ ਦੀ ਕਾਮੇਡੀ ਭਰਪੂਰ ਫ਼ਿਲਮ ਵਿੱਕੀ ਡੋਨਰ ਸਿਨੇਮਾ ਘਰਾਂ 'ਚ ਵਾਪਸੀ ਲਈ ਤਿਆਰ ਹੈ ਅਤੇ ਇਹ ਫ਼ਿਲਮ 18 ਅਪ੍ਰੈਲ ਨੂੰ ਸਿਨੇਮਾ ਘਰਾਂ 'ਚ ਵਿਸ਼ੇਸ਼ ਸ੍ਰਕੀਨਿੰਗ ਨਾਲ ਮੁੜ ਰਿਲੀਜ਼ ਕੀਤੀ ਜਾ ਰਹੀ ਹੈ। ਵਿੱਕੀ ਡੋਨਰ ਦੀ ਆਮਦ ਬਾਰੇ ਜਾਣਕਾਰੀ ਡਾਇਰੈਕਟਰ ਸ਼ੂਜੀਤ ਸਿਰਕਾਰ ਨੇ ਇੰਸਟਾਗ੍ਰਾਮ ਰਾਹੀਂ ਦਿੱਤੀ। ਅਸਲ 'ਚ ਇਹ ਫ਼ਿਲਮ 2012 ਵਿੱਚ ਰਿਲੀਜ਼ ਹੋਈ ਸੀ।

ਹੁਣ ਆਯੂਸ਼ਮਾਨ ਖੁਰਾਨਾ ਅਤੇ ਯਾਮੀ ਗੌਤਮੀ ਨਾਲ ਇਸ ਦੀ ਸ਼ੁਰੂਆਤ ਹੋਈ ਹੈ, ਜਿਹੜੇ ਬਾਲੀਵੁੱਡ 'ਚ ਆਪਣੇ ਸਫਲ ਕੈਰੀਅਰ ਵੱਲ ਕਦਮ ਵਧਾ ਰਹੇ ਹਨ। ਫ਼ਿਲਮ ਸ਼ਕਰਾਣੂ ਦਾਨ ਅਤੇ ਬਾਂਝਪਨ ਵਰਗੇ ਸੰਵੇਦਨਸ਼ੀਲ ਵਿਸ਼ਿਆਂ ਤੱਕ ਆਪਣੀ ਦਲੇਰਾਨਾ ਪਹੁੰਚ ਅਪਣਾਉਂਦੀ ਹੈ ਅਤੇ ਨਾਲ-ਨਾਲ ਮਨੋਰੰਜਨ ਦਾ ਵੀ ਪੂਰਾ ਖਿਆਲ ਰੱਖਿਆ ਗਿਆ ਹੈ।

ਇਹ ਫ਼ਿਲਮ ਪਹਿਲਾਂ 3 ਰਾਸ਼ਟਰੀ ਐਵਾਰਡ ਪ੍ਰਾਪਤ ਕਰ ਚੁੱਕੀ ਹੈ ਅਤੇ ਇਸ ਨੂੰ ਵਧੀਆ ਮਨੋਰੰਜਨ ਪ੍ਰਦਾਨ ਕਰਨ ਵਾਲੀ ਪ੍ਰਸਿੱਧ ਫ਼ਿਲਮ ਦਾ ਸਨਮਾਨ ਵੀ ਹਾਸਲ ਕੀਤਾ ਹੈ। ਇਹ ਫ਼ਿਲਮ ਦਰਸ਼ਕਾਂ ਅਤੇ ਆਲੋਚਕਾਂ 'ਚ ਭਰਪੂਰ ਚਰਚਾ ਦਾ ਵਿਸ਼ਾ ਬਣੀ ਹੈ।