ਕਬੀਰ ਖਾਨ ਦੇ ਨਿਰਦੇਸ਼ਨ 'ਚ ਅਭਿਨੈ ਕਲਾ ਦਿਖਾਉਣਗੇ ਵਿੱਕੀ ਕੌਸ਼ਲ

ਬਾਲੀਵੁੱਡ ਦੇ ਚਰਚਿਤ ਨਾਂਅ ਆਖਰਕਾਰ ਇਕ ਫ਼ਿਲਮ 'ਚ ਇਕਠੇ ਨਜ਼ਰ ਆ ਸਕਦੇ ਹਨ। ਇਸ ਤੋਂ ਪਹਿਲਾਂ ਇਨ੍ਹਾਂ ਦੋਹਾਂ ਕਬੀਰ ਖਾਨ ਅਤੇ ਵਿਕੀ ਕੋਸ਼ਲ ਦੀ ਕੋਈ ਫ਼ਿਲਮ ਨਹੀਂ ਆਈ। ਕਬੀਰ ਖਾਨ ਨੇ ਹੁਣ ਤੱਕ ਨਿਊਯਾਰਕ, ਬਜਰੰਗੀ ਭਾਈਜਾਨ, ਟਾਈਗਰ ਸੀਰੀਜ਼ ਵਰਗੀਆਂ ਹੋਰ ਫ਼ਿਲਮਾਂ 'ਚ ਆਪਣੇ ਬਿਹਤਰੀਨ ਨਿਰਦੇਸ਼ਨ ਨਾਲ ਕਾਫੀ ਨਾਮਣਾ ਖੱਟਿਆ ਹੈ। ਦੂਜੇ ਪਾਸੇ ਵਿੱਕੀ ਕੌਸ਼ਲ ਉੜੀ ਅਤੇ ਰਾਜ਼ੀ ਵਰਗੀਆਂ ਫ਼ਿਲਮਾਂ 'ਚ ਆਪਣੇ ਅਭਿਨੈ ਨਾਲ ਕਾਫੀ ਲੋਕਪ੍ਰਿਅਤਾ ਹਾਸਲ ਕੀਤੀ ਹੈ।

ਖ਼ਬਰਾਂ ਮੁਤਾਬਕ, ਵਿੱਕੀ ਕੌਸਲ ਅਤੇ ਕਬੀਰ ਖਾਨ ਨੇ ਇਕ ਆਗਾਮੀ ਫ਼ਿਲਮ ਦੇ ਲਈ ਹੱਥ ਮਿਲਾਇਆ ਹੈ। ਫ਼ਿਲਮਫੇਅਰ ਦੀ ਇਕ ਰਿਪੋਰਟ ਮੁਤਾਬਕ, ਇਕ ਸੂਤਰ ਨੇ ਇਸ ਬਾਰੇ 'ਚ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਕਬੀਰ ਖਾਨ ਅਤੇ ਕੈਟਰੀਨਾ ਕੈਫ ਦੇ 'ਚ ਲੰਬੇ ਸਮੇਂ ਤੋਂ ਦੋਸਤੀ ਅਤੇ ਸਹਿਯੋਗ ਰਿਹਾ ਹੈ। ਜਦੋਂ ਤੋਂ ਕੈਟਰੀਨਾ ਅਤੇ ਵਿੱਕੀ ਕੌਸ਼ਲ ਇਕੱਠੇ ਨਜ਼ਰ ਆਏ ਹਨ,ਕਬੀਰ ਹਮੇਸ਼ਾ ਵਿੱਕੀ ਦੇ ਦੋਸਤ ਅਤੇ ਸਲਾਹਕਾਰ ਰਹੇ ਹਨ ਪਰ ਹੁਣ ਇੰਨੇ ਸਾਲਾਂ ਬਾਅਦ ਉਨ੍ਹਾਂ ਨੂੰ ਆਖਰਕਾਰ ਇਕ ਅਜਿਹਾ ਪ੍ਰੋਜੈਕਟ ਮਿਲ ਗਿਆ ਹੈ, ਜਿਸ 'ਚ ਦੋਵੇਂ ਇਕੱਠੇ ਨਜ਼ਰ ਆ ਸਕਦੇ ਹਨ। ਡੀਲ ਅਜੇ ਤੱਕ ਪੱਕੀ ਨਹੀਂ ਹੋਈ ਹੈ ਪਰ ਇਹ ਲਗਭਗ ਤੈਅ ਹੋ ਚੁੱਕਾ ਹੈ।

ਹਾਲਾਂਕਿ ਆਉਣ ਵਾਲੇ ਪ੍ਰਾਜੈਕਟ ਦੇ ਵੇਰਵਿਆਂ ਦਾ ਅਧਿਕਾਰਤ ਤੌਰ 'ਤੇ ਐਲਾਨ ਨਹੀਂ ਕੀਤਾ ਗਿਆ ਪਰ ਇਹ ਅੰਦਾਜ਼ੇ ਲਗਾਏ ਜਾ ਰਹੇ ਹਨ ਕਿ ਵਿੱਕੀ ਕਬੀਰ ਖਾਨ ਵਲੋਂ ਹਾਲ ਹੀ 'ਚ ਐਪਲਾਜ਼ ਐਂਟਰਟੇਨਮੈਂਟ ਦੇ ਸਹਿਯੋਗ ਨਾਲ ਐਲਾਨੀਆਂ ਗਈਆਂ ਦੋ ਫ਼ਿਲਮਾਂ ਚੋਂ ਕਿਸੇ ਦਾ ਵੀ ਹਿੱਸਾ ਹੋ ਸਕਦਾ ਹੈ।