ਵਿਰਾਟ ਕੋਹਲੀ ਅਤੇ ਅਨੁਸ਼ਕਾ ਸ਼ਰਮਾ ਅਧਿਆਤਮਕ ਗਿਆਨ ਲਈ ਵ੍ਰਿੰਦਾਵਨ ਆਸ਼ਰਮ ਪੁੱਜੇ

ਭਾਰਤੀ ਕ੍ਰਿਕਟਰ ਵਿਰਾਟ ਕੋਹਲੀ ਅਤੇ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਬੀਤੇ ਦਿਨ ਵ੍ਰਿੰਦਾਵਨ ਵਿਖੇ ਅਧਿਆਤਮਕ ਸੰਤ ਪ੍ਰੇਮਾਨੰਦ ਮਹਾਰਾਜ ਦੇ ਆਸ਼ਰਮ ਵ੍ਰਿੰਦਾਵਨ ਵਿੱਚ ਪੁੱਜੇ।ਆਸ਼ਰਮ ਵਿੱਚ ਇਹ ਜੋੜੀ ਕਈ ਹੋਰ ਸ਼ਰਧਾਲੂਆਂ ਨਾਲ ਸ਼ਾਮਲ ਹੋਈ, ਜਿੱਥੇ ਕਿ ਪ੍ਰੇਮਾਨੰਦ ਜੀ ਨੇ ਸਭ ਨੂੰ ਸ਼ਰਧਾ ਅਤੇ ਵਿਸ਼ਵਾਸ ਸੰਬੰਧੀ ਵਿਚਾਰਾਂ ਦਾ ਪ੍ਰਗਟਾਵਾ ਕੀਤਾ।

ਉਨ੍ਹਾਂ ਨੇ ਕਿਹਾ ਕਿ ਸਾਨੂੰ ਪ੍ਰਮਾਤਮਾ ਸਾਵੇਂ ਮੁਕੰਮਲ ਰੂਪ ਵਿੱਚ ਸਮਰਪਣ ਕਰਨਾ ਚਾਹੀਦਾ ਹੈ ਅਤੇ ਇਹ ਵੀ ਸਮਝਾਇਆ ਕਿ ਜੀਵਨ ਦੌਰਾਨ ਕਈ ਮੁਸ਼ਕਲ ਪੜਾਵਾਂ ਵਿੱਚ ਸੱਚੀ ਨਿਹਚਾ ਦੀ ਪਰਖ ਹੁੰਦੀ ਹੈ।

ਪ੍ਰੇਮਾਨੰਦ ਜੀ ਨੇ ਕਿਹਾ ਕਿ ਲੋਕ ਅਕਸਰ ਦੁਨਿਆਵੀ ਲਾਭ ਪ੍ਰਾਪਤ ਕਰਨ ਲਈ ਪ੍ਰਾਰਥਨਾ ਦੇ ਰਾਹ ਮੁੜਦੇ ਹਨ, ਜਦੋਂਕਿ ਸੱਚੀ ਸ਼ਰਧਾ ਪ੍ਰਭੂ ਦੀ ਕ੍ਰਿਪਾ ਪ੍ਰਾਪਤ ਕਰਨ ਅਤੇ ਅਧਿਆਤਮਕ ਸੰਬੰਧਾ ਦੀ ਭਾਲ ਵਿੱਚ ਹੈ। ਕੋਹਲੀ ਨੇ ਦੱਸਿਆ ਕਿ ਉਹ ਆਸ਼ਰਮ ਵਿੱਚ ਇਕ ਘੰਟੇ ਤੋਂ ਵਧ ਸਮਾਂ ਰਹੇ।