ਅਮਰੀਕਾ ਦਾ ਰੈਪਰ ਕਾਨ ਯੇ ਦਿੱਲੀ ਵਿਚ ਕਰੇਗਾ ਆਪਣੇ ਫਨ ਦਾ ਮੁਜ਼ਾਹਰਾ

ਦਿੱਲੀ ਦੇ ਜਵਾਹਰ ਲਾਲ ਨਹਿਰੂ ਸਟੇਡੀਅਮ ਨੂੰ 29 ਮਾਰਚ ਦੇ ਇਕ ਲਾਈਵ ਸ਼ੋਅ ਲਈ ਸਜਾਉਣ ਅਤੇ ਸਵਾਰਣ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ।ਇਸ ਲਾਈਵ ਸ਼ੋਅ ਵਿੱਚ 24 ਵਾਰ ਦੇ ਗ੍ਰੈਮੀ ਐਵਾਰਡ ਜੇਤੂ ਅਮਰੀਕਨ ਰੈਪਰ ਕਾਨਯੇ ਆਪਣੀ ਕਲਾ ਦਾ ਮੁਜ਼ਾਹਰਾ ਕਰਨਗੇ। ਕਾਨਯੇ ਦਾ ਇਹ ਸ਼ੋਅ ਉਸ ਦੇ 2026 ਵਿੱਚ ਚੱਲ ਰਹੇ ਵਿਸ਼ਵ ਟੂਰ ਦਾ ਇਕ ਹਿੱਸਾ ਹੈ।

ਦਿੱਲੀ ਵਿੱਚ ਇਕ ਰਾਤ ਦਾ ਸੰਗੀਤਮਈ ਆਯੋਜਨ ਹੋਵੇਗਾ, ਜੋ ਕਿ ਭਾਰਤ ਵਿੱਚ ਇਸ ਅਮਰੀਕਨ ਰੈਪਰ ਦਾ ਪਹਿਲਾ ਪ੍ਰਦਰਸ਼ਨ ਹੋਵੇਗਾ। ਲਾਈਵ ਸੰਗੀਤ ਦੇ ਨਜ਼ਰੀਏ ਤੋਂ ਇਹ ਸਾਲ ਭਾਰਤ ਲਈ ਵਿਸ਼ੇਸ਼ ਸਾਬਤ ਹੋਵੇਗਾ,ਕਿਉਂਕਿ ਇਸ ਦੌਰਾਨ ਲਿਕਿੰਨ ਪਾਰਕ ਯੋਨ ਮੇਅਰ,ਡੀ.ਜੇ. ਸਨੈਕ ਦਿ ਲੂਮਿਨੀਅਰਜ਼,ਅਤੇ ਯੰਗਬਲਡ ਵਰਗੇ ਕੌਮਾਂਤਰੀ ਪ੍ਰਸਿੱਧੀ ਪ੍ਰਾਪਤ ਸਟਾਰ ਆਪਣੇ ਪ੍ਰਦਰਸ਼ਨ ਲਈ ਤਿਆਰ ਹਨ।