ਯੋ ਯੋ ਹਨੀ ਸਿੰਘ ਫਿਰ ਵਿਵਾਦਾਂ 'ਚ

ਮਸ਼ਹੂਰ ਸਿੰਗਰ-ਰੈਪਰ ਯੋ ਯੋ ਹਨੀ ਸਿੰਘ ਹੁਣ ਨਵੇਂ ਵਿਵਾਦ ਵਿੱਚ ਫਸ ਗਏ ਹਨ। 2 ਦਿਨ ਪਹਿਲਾਂ ਦਿੱਲੀ ਕੰਸਰਟ ਵਿੱਚ ਸਟੇਜ ‘ਤੇ ਉਨ੍ਹਾਂ ਨੇ ਠੰਢ ਦੇ ਬਹਾਨ ਬਣਾਕੇ ਖੁੱਲ੍ਹ ਕੇ ਅਸ਼ਲੀਲ ਗੱਲਾਂ ਕਰਨੀ ਸ਼ੁਰੂ ਕਰ ਦਿੱਤੀਆਂ। ਇਸ ਦੌਰਾਨ ਫੈਨਜ਼ ਉਨ੍ਹਾਂ ਦਾ ਵੀਡੀਓ ਬਣਾਉਂਦੇ ਰਹੇ ਅਤੇ ਉਹ ਨੌਜਵਾਨਾਂ ਨੂੰ ਅਸ਼ਲੀਲਤਾ ਵੱਲ ਉਕਸਾਉਂਦੇ ਰਹੇ।

ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪੰਜਾਬੀ ਸਿੰਗਰ ਜਸਬੀਰ ਜੱਸੀ ਭੜਕ ਉਠੇ। ਉਨ੍ਹਾਂ ਨੇ ਵੀਡੀਓ ਜਾਰੀ ਕਰਦਿਆਂ ਕਿਹਾ- ਯੋ ਯੋ ਹਨੀ ਸਿੰਘ ਨੇ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਹਨ। ਮੈਂ ਇਸ ਬਾਰੇ ਨਹੀਂ ਕਹਿਣਾ ਚਾਹੁੰਦਾ ਸੀ ਪਰ ਇਸ ਨੇ ਸਾਰੀਆਂ ਸੀਮਾਵਾਂ ਲੰਘ ਦਿੱਤੀਆਂ, ਇਸ ਲਈ ਕਹਿਣਾ ਪਿਆ। ਇਹ ਫਿਰ ਤੋਂ ਸ਼ੁਰੂ ਹੋ ਗਿਆ ਹੈ ਅਤੇ ਹੁਣ ਇਹ ਰੁਕਣ ਵਾਲਾ ਨਹੀਂ।

ਜੱਸੀ ਨੇ ਕਿਹਾ ਕਿ ਮੇਰੀ ਹਨੀ ਸਿੰਘ ਦੇ ਮਾਤਾ-ਪਿਤਾ ਅਤੇ ਭੈਣ ਨੂੰ ਅਪੀਲ ਹੈ ਕਿ ਤੁਹਾਡੇ ਕਹਿਣ ਨਾਲ ਇਹ ਰੁਕ ਸਕਦਾ ਹੈ ਨਹੀਂ ਤਾਂ ਇਹ ਅੱਗੇ ਵਧਦਾ ਜਾਵੇਗਾ ਅਤੇ ਇਸ ਤੋਂ ਇੱਕ ਗਲਤ ਸੁਨੇਹਾ ਜਾਵੇਗਾ। ਹਾਲਾਂਕਿ ਵਿਵਾਦ ਵਧਣ ‘ਤੇ ਹਨੀ ਸਿੰਘ ਨੇ ਮੁਆਫੀ ਵੀ ਮੰਗ ਲਈ ਹੈ। ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ ਉੱਤੇ ਇੱਕ ਪੋਸਟ ਅਤੇ ਵੀਡੀਓ ਬਣਾ ਕੇ ਲੋਕਾਂ ਤੋਂ ਮੁਆਫੀ ਮੰਗ ਲਈ ਹੈ।