News

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਕੈਨੇਡਾ ਅਤੇ ਭਾਰਤ ਵਿਚਕਾਰ ਡਿਪਲੋਮੈਟ ਨੂੰ ਬਹਾਲ ਕਰਨ ਦੇ ਕਦਮ ਨੂੰ ਡਿਫੈਂਡ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਇਹ ਦੋਵਾਂ ਦੇਸ਼ਾਂ ਵਿਚਕਾਰ ਸਬੰਧਾਂ ਨੂੰ ਬਹਾਲ ਕਰਨ ਲਈ ਇੱਕ ਬੁਨਿਆਦੀ ਕਦਮ ਹੈ। ਪ੍ਰਧਾਨ ਮੰਤਰੀ ਨੇ ਇਸ ਗੱਲ 'ਤੇ ਸਿੱਧੀ ਟਿੱਪਣੀ ਕਰਨ ਤੋਂ ਇਨਕਾਰ ਕੀਤਾ ਕਿ ਉਨ੍ਹਾਂ ਨੇ ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਹੋਈ ਮੁਲਾਕਾਤ ਵਿਚ ਭਾਈ ਹਰਦੀਪ ਸਿੰਘ ਨਿੱਝਰ ਦੇ ਕਤਲ ਦਾ ਮੁੱਦਾ ਉਠਾਇਆ ਸੀ ਜਾਂ ਨਹੀਂ।

ਬੀ. ਸੀ. ਵਿਚ ਤਿੰਨ ਸਭ ਤੋਂ ਵੱਡੀਆਂ ਜੰਗਲੀ ਅੱਗਾਂ ਵਿਚੋਂ ਦੋ 'ਤੇ ਮਹੱਤਵਪੂਰਨ ਤਰੱਕੀ ਹੋਈ ਹੈ। ਉੱਤਰ-ਪੂਰਬੀ ਬੀ.ਸੀ. ਵਿਚ 263 ਵਰਗ ਕਿਲੋਮੀਟਰ ਵਿਚ ਫੈਲੀ ਕਿਸਕਾਟੀਨਾਵ ਰਿਵਰ ਦੀ ਜੰਗਲੀ ਅੱਗ ਹੁਣ ਕੰਟਰੋਲ ਤੋਂ ਬਾਹਰ ਨਹੀਂ ਹੈ। ਇਸੇ ਤਰ੍ਹਾਂ Fort. ਸੇਂਟ ਜੌਨ ਦੇ ਉੱਤਰ-ਪੱਛਮ ਵਿਚ 1,500 ਵਰਗ ਕਿਲੋਮੀਟਰ ਤੋਂ ਜ਼ਿਆਦਾ ਖੇਤਰ ਵਿਚ ਫੈਲੀ ਸਭ ਤੋਂ ਵੱਡੀ ਪਾਕੇਟ ਨਾਈਫ ਕ੍ਰੀਕ ਦੀ ਜੰਗਲੀ ਦਾ ਸਟੇਟਸ ਵੀ ਡਾਊਨਗ੍ਰੇਡ ਕਰ ਦਿੱਤਾ ਗਿਆ ਹੈ।

ਕੈਨੇਡਾ ਅਤੇ ਅਮਰੀਕਾ ਦੇ ਇੱਕ ਮਹੀਨੇ ਅੰਦਰ ਵਪਾਰ ਸਮਝੌਤੇ 'ਤੇ ਨਾ ਪਹੁੰਚਣ ਦੀ ਸੂਰਤ ਵਿਚ ਔਟਵਾ ਅਮਰੀਕੀ ਸਟੀਲ ਅਤੇ ਐਲੁਮੀਨਮ 'ਤੇ ਟੈਰਿਫ ਵਧਾ ਦੇਵੇਗਾ। ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਵੀਰਵਾਰ ਨੂੰ ਕੈਨੇਡਾ ਦੀ ਇੰਡਸਟਰੀ ਦੀ ਮਦਦ ਕਰਨ ਦੇ ਉਪਾਵਾਂ ਦੀ ਘੋਸ਼ਣਾ ਦੌਰਾਨ ਵਿਦੇਸ਼ੀ ਸਟੀਲ ਦਾ ਕੋਟਾ ਵੀ ਨਿਰਧਾਰਤ ਕਰਨ ਦੀ ਗੱਲ ਆਖੀ।

ਪ੍ਰਿੰਸ ਰੂਪਰਟ ਦੇ ਪਾਣੀ ਵਿਚ ਇੱਕ ਸ਼ੱਕੀ ਅਤੇ ਪੁਲਿਸ ਵਿਚਕਾਰ ਭਿੜਤ ਹੋਈ ਹੈ। ਸ਼ੱਕੀ ਵਲੋਂ ਚੋਰੀ ਦੀ ਮੱਛੀਆਂ ਫੜਨ ਵਾਲੀ ਕਿਸ਼ਤੀ ਭਜਾਉਂਦੇ ਹੋਏ ਪੁਲਿਸ 'ਤੇ ਫਾਇਰਿੰਗ ਕੀਤੀ ਗਈ ਅਤੇ ਪੁਲਿਸ ਜਹਾਜ਼ ਨੂੰ ਟੱਕਰ ਮਾਰਨ ਦੀ ਵੀ ਕੋਸ਼ਿਸ਼ ਕੀਤੀ ਗਈ, ਜਿਸ ਤੋਂ ਬਾਅਦ 25 ਸਾਲਾ ਸ਼ੱਕੀ ਨੂੰ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ, ਪੁਲਿਸ ਨੇ ਕਿਹਾ ਕਿ ਉਹਨਾਂ ਨੂੰ 16 ਜੂਨ ਦੀ ਸ਼ਾਮ ਨੂੰ ਰਿਪੋਰਟ ਮਿਲੀ ਸੀ ਕਿ ਇੱਕ ਦਿਨ ਪਹਿਲਾਂ ਚੋਰੀ ਹੋਈ ਬੋਟ -ਪ੍ਰਿੰਸ ਰੂਪਰਟ ਦੇ ਸਾਊਥ ਵਿਚ ਦੇਖੀ ਗਈ ਹੈ।

ਐਡਮਿੰਟਨ ਦੇ ਇਕ ਵਰਕਰ ਦੀ ਦੋ ਸਾਲ ਪਹਿਲਾਂ ਸਮੋਕਹਾਊਸ ਵਿਚ ਫਸਣ ਕਾਰਨ ਹੋਈ ਮੌਤ ਦੇ ਮਾਮਲੇ ਵਿਚ ਓਨਟਾਰੀਓ ਸਥਿਤ ਸੋਫੀਨਾ ਫੂਡਜ਼ ਇੰਕ. ਕੰਪਨੀ ਨੂੰ $330,000 ਦਾ ਜੁਰਮਾਨਾ ਲੱਗਾ ਹੈ।ਅਦਾਲਤ ਨੇ ਅੱਜ ਫੈਸਲਾ ਸੁਣਾਉਂਦਿਆਂ ਕਿਹਾ ਕਿ ਕੰਮ ਦੌਰਾਨ ਵਰਕਰਜ਼ ਦੀ ਸੁਰੱਖਿਆ ਦਾ ਧਿਆਨ ਨਹੀਂ ਰੱਖਿਆ ਗਿਆ ਸੀ।