29.7C Vancouver 29.7C VancouverMar 30, 2021 3:32 PM -
ਅੱਜ ਅਮਰੀਕਾ ਤੋਂ ਔਕਸਫਰਡ-ਐਸਟ੍ਰਾਜ਼ੈਨਕਾ ਦੀਆਂ ਤਕਰੀਬਨ 1.5 ਮਿਲੀਅਨ ਖ਼ੁਰਾਕਾਂ ਕੈਨੇਡਾ ਪਹੁੰਚਣ ਜਾ ਰਹੀਆਂ ਹਨ।
ਇਹ ਵੈਕਸੀਨ ਟਰੱਕ ਰਾਹੀਂ ਕੈਨੇਡਾ ਪਹੁੰਚਣਗੀਆਂ।
ਸੂਬਿਆਂ ਨੂੰ ਇਹ ਫੈਸਲਾ ਲੈਣ ਦਾ ਅਧਿਕਾਰ ਹੁੰਦਾ ਹੈ ਕਿ ਉਹ ਵੈਕਸੀਨ ਨੂੰ ਕਿਸ ਤਰ੍ਹਾਂ ਇਸਤੇਮਾਲ ਕਰਨਾ ਚਾਹੁੰਦੇ ਹਨ ਪਰ ਡਾਕਟਰ ਹਾਵਰਡ ਨੂ ਅਨੁਸਾਰ ਸਾਰੇ ਸੂਬਿਆਂ ਅਤੇ ਟੈਰੀਟੋਰੀਜ਼ ਵੱਲੋਂ 55 ਸਾਲ ਤੋਂ ਘੱਟ ਉਮਰ ਦੇ ਲੋਕਾਂ ’ਤੇ ਇਸ ਵੈਕਸੀਨ ਦੀ ਵਰਤੋਂ ’ਤੇ ਪਾਬੰਦੀ ਲਾਉਣ ਦਾ ਫੈਸਲਾ ਕੀਤਾ ਗਿਆ ਹੈ।
ਸੂਬਿਆਂ ਵਲੋਂ ਇਹ ਕਦਮ ਵੈਕਸੀਨ ਅਤੇ ਬਲੱਡ ਕਲੌਟਸ ਦੇ ਸੰਬੰਧ ਦੀ ਸੰਭਾਵਨਾ ਕਾਰਣ ਚੁੱਕਿਆ ਗਿਆ ਹੈ।
ਪ੍ਰਿੰਸ ਐਡਵਰਡ ਆਈਲੈਂਡ ਦੇ ਚੀਫ ਮੈਡੀਕਲ ਅਫਸਰ, ਡਾਕਟਰ ਹੈਦਰ ਮੋਰਿਸਨ ਮੁਤਾਬਕ, ਵੈਕਸੀਨ ਲਵਾਉਣ ਤੋਂ ਬਾਅਦ, ਇਹ ਖ਼ਤਰਾ ਬੇਹੱਦ ਘੱਟ ਹੈ।
ਉਨ੍ਹਾਂ ਮੁਤਾਬਕ ਜਿਹੜੇ ਲੋਕਾਂ ਨੇ ਇਹ ਵੈਕਸੀਨ ਲਵਾ ਲਈ ਹੈ, ਨੂੰ ਅਗਲੇ ਕੁੱਝ ਹਫ਼ਤਿਆਂ ਤੱਕ ਸਾਹ ਚੜ੍ਹਨ, ਛਾਤੀ ਵਿੱਚ ਦਰਦ, ਲੱਤ ਦੀ ਸੋਜਸ਼, ਪੇਟ ਵਿੱਚ ਲਗਾਤਾਰ ਦਰਦ, ਅਚਾਨਕ ਗੰਭੀਰ ਜਾਂ ਨਿਰੰਤਰ ਸਿਰ ਦਰਦ ਜਾਂ ਧੁੰਦਲੀ ਨਜ਼ਰ ਵਰਗੀਆਂ ਨਿਸ਼ਾਨੀਆਂ ’ਤੇ ਨਜ਼ਰ ਰੱਖਣੀ ਚਾਹੀਦੀ ਹੈ।
