13.11C Vancouver 13.11C VancouverSep 20, 2023 6:36 PM - The Canadian Press
ਸਟੈਟਕੈਨ ਦੀ ਇੱਕ ਨਵੀਂ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਕੈਨੇਡਾ ਵਿੱਚ 4 ਵਿੱਚੋਂ ਇਕ ਨੌਜਵਾਨ ਸਾਈਬਰ ਧੱਕੇਸ਼ਾਹੀ ਦਾ ਸ਼ਿਕਾਰ ਹੋਇਆ ਹੈ ਅਤੇ ਇਸ ਦਾ ਉਨ੍ਹਾਂ ਦੀ ਮਾਨਸਿਕ ਸਿਹਤ 'ਤੇ ਪ੍ਰਭਾਵ ਪੈ ਰਿਹਾ ਹੈ।
ਸਰਵੇ ਵਿੱਚ ਕਿਹਾ ਗਿਆ ਹੈ ਕਿ ਜਿਹੜੇ ਨੌਜਵਾਨ ਔਨਲਾਈਨ ਸ਼ਿਕਾਰ ਹੋਏ ਹਨ, ਉਨ੍ਹਾਂ ਵਿੱਚ ਡਿਪਰੈਸ਼ਨ, ਚਿੰਤਾ, ਈਟਿੰਗ ਡਿਸਆਰਡਰ ਲੱਛਣ ਅਤੇ ਆਤਮ ਹੱਤਿਆ ਜਾਂ ਆਤਮ ਹੱਤਿਆ ਦੀ ਕੋਸ਼ਿਸ਼ ਦੇ ਵਿਚਾਰਾਂ ਦਾ ਵਧੇਰੇ ਖ਼ਤਰਾ ਦੇਖਿਆ ਗਿਆ ਹੈ।
ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਟ੍ਰਾਂਸਜੈਂਡਰ ਅਤੇ ਨੌਨ ਬਾਈਨਰੀ ਨੌਜਵਾਨਾਂ ਦੇ ਨਾਲ-ਨਾਲ ਦੂਜੀਆਂ ਮਹਿਲਾਵਾਂ ਵੱਲ ਆਕਰਸ਼ਿਤ ਮਹਿਲਾਵਾਂ ਦਾ ਔਨਲਾਈਨ ਸ਼ਿਕਾਰ ਹੋਣ ਦਾ ਵਧੇਰੇ ਖ਼ਤਰਾ ਹੈ।
ਜਿਹੜੇ ਨੌਜਵਾਨ ਪਿਛਲੇ ਸਮੇਂ ਗੰਭੀਰ ਸਿਹਤ ਸਥਿਤੀਆਂ ਜਿਵੇਂ ਅਸਥਮਾ, ਮਿਰਗੀ ਨਾਲ ਪੀੜਤ ਰਹੇ ਹਨ ਜਾਂ ਫਿਰ ਜੋ ਘੱਟ ਆਮਦਨ ਵਾਲੇ ਹਨ ਉਹਨਾਂ ਦਾ ਸਾਈਬਰ ਧੱਕੇਸ਼ਾਹੀ ਦਾ ਸ਼ਿਕਾਰ ਬਣਨ ਦਾ ਖਤਰਾ ਵਧੇਰੇ ਹੁੰਦਾ ਹੈ।
ਇਹ ਰਿਪੋਰਟ 13,000 ਤੋਂ ਵੱਧ ਨੌਜਵਾਨਾਂ 'ਤੇ ਸਰਵੇ ਕਰਕੇ ਬਣਾਈ ਗਈ ਹੈ, ਜਿਨ੍ਹਾਂ ਦੀ ਉਮਰ 12 ਤੋਂ 17 ਸਾਲ ਦੇ ਵਿਚਕਾਰ ਸੀ।
ਡਾਟਾ 2019 ਵਿਚ ਇਕੱਠਾ ਕੀਤਾ ਗਿਆ, ਇਸ ਵਿੱਚ ਰਿਜ਼ਰਵ 'ਤੇ ਰਹਿ ਰਹੇ ਫਸਟ ਨੇਸ਼ਨ ਨੌਜਵਾਨ ਅਤੇ ਫੋਸਟਰ ਹੋਮ ਜਾਂ ਸੰਸਥਾਵਾਂ ਵਿੱਚ ਰਹਿਣ ਵਾਲੇ ਨੌਜਵਾਨ ਸ਼ਾਮਲ ਨਹੀਂ ਹਨ।
