20.61C Vancouver 20.61C VancouverJul 21, 2021 4:32 PM -
ਬੀ ਸੀ ਵਿੱਚ ਜਲ ਰਹੀਆਂ ਜੰਗਲੀ ਅੱਗਾਂ ਨੂੰ ਕਾਬੂ ਕਰਨ ਲਈ ਜੂਝ ਰਹੇ ਫਾਇਰਫਾਇਟਰਸ ਦੀ ਮੱਦਦ ਵਾਸਤੇ ਸ਼ਨੀਵਾਰ ਨੂੰ 100 ਦੇ ਕਰੀਬ ਫਾਇਰਫਾਇਟਰ ਮੇਕਸਿਕੋ ਤੋਂ ਇੱਥੇ ਆਉਣਗੇ।
ਪਬਲਿਕ ਸੇਫਟੀ ਮੰਤਰੀ ਮਾਈਕ ਫਾਰਨਵਰਥ ਦਾ ਕਹਿਣਾ ਸੀ ਕਿ ਅਧਿਕਾਰੀਆਂ ਦੀ ਔਸਟ੍ਰੇਲਿਆ ਦੇ ਅਧਿਕਾਰੀਆਂ ਨਾਲ ਵੀ ਹੋਰ ਮੱਦਦ ਵਾਸਤੇ ਗੱਲ ਬਾਤ ਚੱਲ ਰਹੀ ਹੈ।
ਇਸ ਸਮੇਂ 3000 ਤੋਂ ਵੱਧ ਫਾਇਰਫਾਇਟਰ ਅਤੇ ਸਮਰਥਨ ਸਟਾਫ਼ ਇਹਨਾਂ ਅੱਗਾਂ ਨੂੰ ਕਾਬੂ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ, ਜਿਨਾਂ ਵਿੱਚੋਂ ਕਈ ਅਲਬਰਟਾ, ਨਿਉ ਬਰਨਸਵੇਕ ਅਤੇ ਕਿਉਬੈਕ ਤੋਂ ਹਨ।
ਇਸ ਵੇਲੇ 200 ਦੇ ਕਰੀਬ ਜੰਗਲੀ ਅੱਗਾਂ ਸੂਬੇ ਵਿੱਚ ਜਲ ਰਹੀਆਂ ਹਨ, ਇਹਨਾਂ ਵਿੱਚੋਂ ਕਈਆਂ ਕਰਕੇ ਘਰ ਖਾਲੀ ਕਰਨ ਦੇ ਨਿਰਦੇਸ਼ ਜਾਂ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।
