18.22C Vancouver 18.22C VancouverJan 31, 2020 9:34 PM -
ਬੀ.ਸੀ. ਵਿੱਚ ਵੀਰਵਾਰ ਤੱਕ 114 ਲੋਕਾਂ ਨੂੰ ਕਰੋਨਾ ਵਾਇਰਸ ਲਈ ਟੈਸਟ ਕੀਤਾ ਗਿਆ ਹੈ ਅਤੇ ਫਿਲਹਾਲ ਇੱਕ ਵਿਅਕਤੀ ਵਿੱਚ ਇਸ ਦੀ ਪੁਸ਼ਟੀ ਹੋਈ ਹੈ।
ਵੈਨਕੂਵਰ ਵਿੱਚ ' ਕਰੋਨਾ ਵਾਇਰਸ ਨੂੰ ਲੈਕੇ ਬੀ.ਸੀ. ਸਰਕਾਰ ਦੁਆਰਾ ਦਿੱਤੀ ਗਈ ਤਾਜ਼ਾ ਜਾਣਕਾਰੀ ਮੁਤਾਬਿਕ, ਪੀੜਤ ਵਿਅਕਤੀ ਦੀ ਹਾਲਤ 'ਚ ਬਿਹਤਰੀ ਦੱਸੀ ਗਈ ਹੈ ਅਤੇ ਇਸ ਵਿਅਕਤੀ ਸਮੇਤ ਫਿਲਹਾਲ ਕਿਸੇ ਵੀ ਵਿਅਕਤੀ ਨੂੰ ਸਰਕਾਰ, ਇੱਕਲੇ 'ਚ ਰਹਿਣ ਲਈ (quarantine) ਨਹੀਂ ਕਹਿ ਰਹੀ।
ਇਸ ਮੌਕੇ 'ਤੇ ਗੱਲ ਕਰਦਿਆਂ ਸੂਬੇ ਦੇ ਸਿਹਤ ਅਫਸਰ (provincial health officer), ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਚੀਨ ਤੋਂ ਬੀ.ਸੀ. ਸਫਰ ਕਰਕੇ ਆਉਣ ਵਾਲੇ ਕਿਸੇ ਵਿਅਕਤੀ ਵਿੱਚ ਜੇਕਰ ਕਰੋਨਾ ਵਾਇਰਸ ਹੋਇਆ, ਤਾਂ ਹੁਣ ਉਹ ਸਮਾਂ ਹੈ ਜਦੋਂ ਇਸਦੇ ਲੱਛਣ (symptoms) ਸਾਹਮਣੇ ਆ ਸਕਦੇ ਹਨ, ਕਿਉਂਕਿ ਇਸ ਬਿਮਾਰੀ ਦਾ ਇੰਕੂਬੇਸ਼ਨ ਪੀਰੀਅਡ (incubation period) ਪੰਜ ਤੋਂ ਦੱਸ ਦਿਨ ਦਾ ਹੈ।
ਸਰਕਾਰ ਇਸ ਸਥਿਤੀ ਤੇ ਨੇੜਿਓਂ ਨਜ਼ਰ ਰੱਖ ਰਹੀ ਹੈ। ਇਸ ਮੌਕੇ ਤੇ ਸਿਹਤ ਮੰਤਰੀ ਏਡਰਿਆਨ ਡਿਕਸ ਨੇ ਕਿਹਾ ਕਿ ਹਰ ਮੰਗਲਵਾਰ ਨੂੰ ਸਰਕਾਰ ਵੱਲੋਂ ਕਰੋਨਾ ਵਾਇਰਸ ਨਾਲ ਨਜਿੱਠਣ ਲਈ ਚੁੱਕੇ ਜਾ ਰਹੇ ਕਦਮਾਂ ਬਾਰੇ ਤਾਜ਼ਾ ਜਾਣਕਾਰੀ ਦਿੱਤੀ ਜਾਏਗੀ।
