10.53C Vancouver 10.53C VancouverJun 10, 2025 6:20 PM - The Canadian Press
ਬੀਸੀ ਵਿਚ ਗਰਮ ਮੌਸਮ ਜਾਰੀ ਰਹਿਣ ਵਿਚਕਾਰ 12 ਹੋਰ ਤਾਪਮਾਨ ਰਿਕਾਰਡ ਟੁੱਟੇ ਹਨ। ਸੋਮਵਾਰ ਲਗਾਤਾਰ ਅਜਿਹਾ ਤੀਜਾ ਦਿਨ ਵੀ ਰਿਹਾ ਜਦੋਂ ਕੈਨੇਡਾ ਦਾ ਸਭ ਤੋਂ ਗਰਮ ਸਥਾਨ ਬੀ.ਸੀ. ਸੀ। ਬੀਤੇ ਕੱਲ ਦੁਪਹਿਰ ਓਸੋਯੂਸ ਵਿਚ ਪਾਰਾ 36.7 ਡਿਗਰੀ ਸੈਲਸੀਅਸ 'ਤੇ ਪਹੁੰਚ ਗਿਆ, ਜੋ ਕਿ ਨਵਾਂ ਇੱਕ ਦਿਨਾਂ ਰਿਕਾਰਡ ਹੈ।
ਹੋਰ ਖੇਤਰ ਜਿਥੇ ਬੀਤੇ ਦਿਨ ਤਾਪਮਾਨ ਦੇ ਨਵੇਂ ਰਿਕਾਰਡ ਸਥਾਪਤ ਹੋਏ, ਉਹਨਾਂ ਵਿਚ ਟ੍ਰੇਲ ਵਿਚ ਤਾਪਮਾਨ 36.6 ਡਿਗਰੀ ਤੱਕ ਪਹੁੰਚਿਆ, ਕੈਸਲਗਰ ਵਿਚ ਇਹ 36.4 ਡਿਗਰੀ ਤੱਕ ਸੀ, ਜਿਸ ਨੇ 1918 ਵਿਚ ਦਰਜ ਰਿਕਾਰਡ ਨੂੰ ਤੋੜ ਦਿੱਤਾ।
ਵਾਤਾਵਰਣ ਕੈਨੇਡਾ ਦਾ ਕਹਿਣਾ ਹੈ ਕਿ ਦੱਖਣੀ ਤੱਟ ਅਤੇ ਵੈਨਕੂਵਰ ਆਈਲੈਂਡ ਦੇ ਇਲਾਕਿਆਂ ਸਮੇਤ ਦੱਖਣ-ਪੱਛਮੀ ਅੰਦਰੂਨੀ ਅਤੇ ਕੂਟੇਨੇ ਦੇ ਪੱਛਮੀ ਹਿੱਸਿਆਂ ਵਿਚ ਗਰਮੀ ਫਿਲਹਾਲ ਬਣੀ ਰਹੇਗੀ, ਦੱਖਣੀ ਬੀ.ਸੀ. ਲਈ 26 ਮੌਸਮ ਸੰਬੰਧੀ ਵਿਸ਼ੇਸ਼ ਬਿਆਨ ਲਾਗੂ ਹਨ, ਜਿਨ੍ਹਾਂ ਵਿਚ ਤੱਟੀ ਖੇਤਰ ਵਿਚ ਤਾਪਮਾਨ 20 ਤੋਂ 30 ਡਿਗਰੀ ਅਤੇ ਅੰਦਰੂਨੀ ਵਿਚ 30 ਤੋਂ 35 ਡਿਗਰੀ ਤੱਕ ਪਹੁੰਚ ਸਕਦਾ ਹੈ।
