12.7C Vancouver 12.7C VancouverAug 29, 2023 6:30 PM - The Canadian Press
ਪੁਲਿਸ ਨੇ ਓਨਟਾਰੀਓ ਦੇ ਇੱਕ ਵਿਅਕਤੀ ਦੇ ਖਿਲਾਫ ਇੱਕ ਦਰਜਨ ਨਵੇਂ ਦੋਸ਼ ਲਗਾਏ ਹਨ।
ਜੋ ਲੋਕ ਖੁਦ ਨੂੰ ਨੁਕਸਾਨ ਪਹੁੰਚਣਾ ਚਾਹੁੰਦੇ ਸਨ ਉਹਨਾਂ ਨੂੰ ਮਾਰੂ ਪਦਾਰਥ ਵੇਚਣ ਵਾਲੇ ਮੁਲਜ਼ਮ ‘ਤੇ ਪੁਲਿਸ ਨੇ 12 ਦੋਸ਼ ਆਇਦ ਕੀਤੇ ਹਨ।
ਪੀਲ ਰੀਜਨਲ ਪੁਲਿਸ ਨੇ ਇਹ ਜਾਣਕਾਰੀ ਦਿੱਤੀ ਹੈ ਕਿ ਇੱਕ ਹਫ਼ਤੇ ਪਹਿਲਾਂ ਬ੍ਰਿਟਿਸ਼ ਪੁਲਿਸ ਨੇ ਖ਼ੁਲਾਸਾ ਕੀਤਾ ਸੀ ਉਹ ਯੂਕੇ ਵਿੱਚ 88 ਲੋਕਾਂ ਦੀਆਂ ਮੌਤਾਂ ਦੀ ਜਾਂਚ ਕਰ ਰਹੀ ਹੈ ਜਿਨ੍ਹਾਂ ਨੇ ਕੈਨੇਡਾ-ਅਧਾਰਤ ਵੈੱਬਸਾਈਟਾਂ ਤੋਂ ਪ੍ਰੋਡਕਟਸ ਖ਼ਰੀਦੇ ਸਨ।
ਉਹ ਲੋਕਾਂ ਲਈ ਜਾਨਲੇਵਾ ਸਨ।
ਸੂਬੇ ਭਰ ਦੀ ਪੁਲਿਸ ਨੇ ਇਸ ਮਾਮਲੇ ਦੀ ਜਾਂਚ ਵਿੱਚ ਸਹਿਯੋਗ ਦਿੱਤਾ।
ਦਰਅਸਲ ਇਹ ਜਾਂਚ ਉਸ ਵੇਲੇ ਸ਼ੁਰੂ ਹੁੰਦੀ ਹੈ ਜਦੋਂ ਕੈਨੇਥ ਲਾਅ ਨਾਂ ਦੇ ਇੱਕ ਕੈਨੇਡੀਅਨ ਵਿਅਕਤੀ ਦੀ ਗ੍ਰਿਫਤਾਰੀ ਹੁੰਦੀ ਹੈ।
ਲਾਅ ‘ਤੇ ਕਈ ਤਰ੍ਹਾਂ ਦੀਆਂ ਵੈੱਬਸਾਈਟਾਂ ਦੀ ਵਰਤੋਂ ਕਰਕੇ ਸੋਡੀਅਮ ਨਾਈਟ੍ਰਾਈਟ ਨੂੰ ਵੇਚਣ ਦਾ ਦੋਸ਼ ਹੈ।
ਜਾਂਚਕਰਤਾਵਾਂ ਦਾ ਕਹਿਣਾ ਹੈ ਕਿ ਨਵੇਂ ਦੋਸ਼ ਟੋਰੌਂਟੋ ਵਿੱਚ ਚਾਰ ਮੌਤਾਂ, ਯੌਰਕ ਰੀਜਨ ਵਿੱਚ ਤਿੰਨ, ਡਰਹਮ ਰੀਜਨ ਵਿੱਚ ਇੱਕ, ਲੰਡਨ, ਓਨਟੇਰਿਓ ਵਿੱਚ ਇੱਕ, ਥੰਡਰ ਬੇ ਵਿੱਚ ਇੱਕ, ਵਾਟਰਲੂ ਵਿੱਚ ਇੱਕ ਅਤੇ ਪੀਲ ਰੀਜਨ ਵਿੱਚ ਇੱਕ ਹੋਰ ਮੌਤ ਨਾਲ ਜੁੜੇ ਹੋਏ ਹਨ।
ਇੰਸਪੈਕਟਰ ਸਾਈਮਨ ਜੇਮਸ ਦਾ ਕਹਿਣਾ ਹੈ ਕਿ ਇਨ੍ਹਾਂ ਮਾਮਲਿਆਂ ਦੇ ਪੀੜਤ ਸੂਬੇ ਭਰ ਵਿਚ ਹਨ ਅਤੇ ਉਨ੍ਹਾਂ ਦੀ ਉਮਰ 16 ਤੋਂ 36 ਸਾਲ ਦੇ ਵਿਚਕਾਰ ਹੈ।
ਪੁਲਿਸ ਨੇ ਕਿਹਾ ਕਿ ਲਾਅ ‘ਤੇ 40 ਤੋਂ ਵੱਧ ਦੇਸ਼ਾਂ ਵਿਚ ਘੱਟੋ-ਘੱਟ 1,200 ਪੈਕੇਜ ਭੇਜਣ ਦਾ ਸ਼ੱਕ ਹੈ।
ਅਮਰੀਕਾ, ਇਟਲੀ, ਆਸਟ੍ਰੇਲੀਆ ਅਤੇ ਨਿਊਜ਼ੀਲੈਂਡ ਦੇ ਅਧਿਕਾਰੀਆਂ ਨੇ ਵੀ ਇਸ ਮਾਮਲੇ 'ਚ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
