11.29C Vancouver 11.29C VancouverApr 26, 2021 5:33 PM -
ਵੈਨਕੂਵਰ 'ਚ ਇੱਕ 15 ਸਾਲਾ ਲੜਕੇ ਦੀ ਮੌਤ ਹੋ ਗਈ ਹੈ।
ਵੈਸਟ ਸਾਈਡ ਪਾਰਕ 'ਚ 2 ਗਰੁੱਪਾਂ ਵਿਚਾਲੇ ਹੋਏ ਝਗੜੇ ਦੌਰਾਨ ਇਸ ਲੜਕੇ ਨੇ ਜਾਨ ਗਵਾ ਦਿੱਤੀ।
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਟੀਨੇਜਰ 'ਤੇ ਚਾਕੂ ਨਾਲ ਹਮਲਾ ਹੋਇਆ ਸੀ।
ਘਟਨਾ ਸ਼ਨੀਵਾਰ ਨੂੰ ਵਾਪਰੀ ਦੱਸੀ ਗਈ।
ਸਾਰਜੈਂਟ ਸਟੀਵ ਐਡੀਸਨ ਦਾ ਕਹਿਣਾ ਸੀ ਕਿ ਛਾਤੀ 'ਚ ਜਖਮਾਂ ਲਈ ਲੜਕੇ ਦੀ ਸਰਜਰੀ ਹੋਈ ਸੀ, ਪਰ ਐਤਵਾਰ ਨੂੰ ਉਸ ਨੇ ਦਮ ਤੋੜ ਦਿੱਤਾ।
ਝਗੜੇ ਤੋਂ ਕੁਝ ਸਮੇਂ ਬਾਅਦ ਇੱਕ 14 ਸਾਲਾ ਟੀਨੇਜਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।
ਐਡੀਸਨ ਦਾ ਕਹਿਣਾ ਹੈ ਕਿ ਲੜਕੇ 'ਤੇ ਖਤਰਨਾਕ ਕੰਮ ਲਈ ਹਥਿਆਰ ਰੱਖਣ ਦੇ ਦੋਸ਼ ਲੱਗੇ ਹਨ।
ਵੈਨਕੂਵਰ ਪੁਲਿਸ ਹੋਮੀਸਾਈਡ ਯੂਨਿਟ ਦਾ ਕਹਿਣਾ ਹੈ ਕਿ ਕਿਸੇ ਕੋਲ ਘਟਨਾ ਦੀ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
