14.75C Vancouver 14.75C VancouverApr 26, 2021 8:22 PM -
ਐਬਟਸਫੋਰਡ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ 18 ਸਾਲਾ ਲੜਕੀ ਇੱਕ ਕ੍ਰੈਸ਼ 'ਚ ਗੰਭੀਰ ਜਖਮੀ ਹੋ ਗਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਗੱਡੀ ਨੂੰ ਰੋਕਣ ਦੇ ਇਸ਼ਾਰੇ 'ਤੇ ਗੱਡੀ ਨਹੀਂ ਰੋਕੀ ਗਈ ਸੀ ਅਤੇ ਇਸ ਤੋਂ ਕੁਝ ਹੀ ਪਲਾਂ ਬਾਅਦ ਗੱਡੀ ਕ੍ਰੈਸ਼ ਕਰ ਗਈ।
ਐਬਟਸਫੋਰਡ ਪੁਲਿਸ ਦਾ ਕਹਿਣਾ ਹੈ ਕਿ ਕ੍ਰੈਸ਼ ਐਬਟਸਫੋਰਡ ਅਤੇ ਮਿਸ਼ਨ ਵਿਚਾਲੇ ਹਾਈਵੇਅ 11 'ਤੇ ਵਾਪਰਿਆ।
ਕਾਂਸਟੇਬਲ ਮਾਈਕ ਵਿਲਫੋਰਡ ਦਾ ਕਹਿਣਾ ਸੀ ਕਿ ਗੱਡੀ ਇੱਕ ਸੀਮੈਂਟ ਬੈਰੀਅਰ ਨਾਲ ਜਾ ਟਕਰਾਈ।
ਉਨ੍ਹਾਂ ਦੱਸਿਆ ਕਿ 'ਕੌਲਿਜ਼ਨ ਮਾਹਿਰਾਂ' ਨੂੰ ਮੌਕੇ 'ਤੇ ਸੱਦਿਆ ਗਿਆ ਅਤੇ ਪੁਲਿਸ ਨਾਲ ਸੰਬੰਧਤ ਮਾਮਲਿਆਂ 'ਚ ਸੱਟਾਂ ਲੱਗਣ ਜਾਂ ਮੌਤ ਦੀਆਂ ਘਟਨਾਵਾਂ ਦੀ ਜਾਂਚ ਕਰਨ ਵਾਲੀ ਏਜੈਂਸੀ ਨੂੰ ਵੀ ਜਾਣਕਾਰੀ ਦਿੱਤੀ ਗਈ।
ਉਨ੍ਹਾਂ ਦੱਸਿਆ ਕਿ ਇੰਡੀਪੈਂਡੈਂਟ ਇਨਵੈਸਟੀਗੇਸ਼ਨਸ ਆਫ਼ਿਸ ਦੇ ਮੈਂਬਰਾਂ ਨੇ ਵੀ ਰਿਸਪਾਂਡ ਕੀਤਾ ਹੈ।
ਪੁਲਿਸ ਨੇ ਲੋਕਾਂ ਨੂੰ ਵੀ ਅਪੀਲ ਕੀਤੀ ਹੈ ਕਿ ਕਿਸੇ ਕੋਲ ਘਟਨਾ ਦੀ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
