13.14C Vancouver 13.14C VancouverApr 2, 2021 6:36 PM -
ਸਿਹਤ ਮੰਤਰੀ ਐਡਰੀਅਨ ਡਿਕਸ ਦਾ ਕਹਿਣਾ ਹੈ ਕਿ ਔਕਸਫਰਡ-ਐਸਟ੍ਰਾਜ਼ੈਨਕਾ ਵੈਕਸੀਨ ਦੀਆਂ 189,000 ਖੁਰਾਕਾਂ ਬੀ.ਸੀ. ਪਹੁੰਚ ਚੁੱਕੀਆਂ ਹਨ।
ਯਾਦ ਰਹੇ ਇਸੇ ਮੰਗਲਵਾਰ ਅਮਰੀਕਾ ਤੋਂ ਇਸ ਵੈਕਸੀਨ ਦੀਆਂ ਕਰੀਬ ਡੇਢ ਮਿਲੀਅਨ ਖੁਰਾਕਾਂ ਦੀ ਕੈਨੇਡਾ 'ਚ ਡਿਲੀਵਰੀ ਹੋਈ ਹੈ।
ਹੁਣ ਐਡਰੀਅਨ ਡਿਕਸ ਨੇ ਦੱਸਿਆ ਹੈ ਕਿ, ਬੀ.ਸੀ. 'ਚ ਇਸ ਵੈਕਸੀਨ ਦੀਆਂ ਕੱਲ 1,89,000 ਵੈਕਸੀਨ ਖੁਰਾਕਾਂ ਹੋਰ ਪਹੁੰਚ ਚੁੱਕੀਆਂ ਹਨ।
ਉਨ੍ਹਾਂ ਕਿਹਾ ਕਿ ਅਗਲੇ ਹਫ਼ਤੇ ਇਸ ਵੈਕਸੀਨ ਦੀਆਂ ਵਧੇਰੇ ਖੁਰਾਕਾਂ ਪਹੁੰਚਣ ਦੀ ਆਸ ਹੈ।
ਇਸ ਤੋਂ ਬਾਅਦ ਬੀ.ਸੀ. ਐਸੋਸੀਏਸ਼ਨ ਆਫ ਫਾਰਮੇਸੀਸ (BC Association of Pharmacies) ਦਾ ਕਹਿਣਾ ਸੀ ਕਿ ਇਹਨਾਂ ਵੈਕਸੀਨ ਖੁਰਾਕਾਂ ਨੂੰ ਸੂਬੇ ਦੀਆਂ 375 ਹੋਰ ਫਾਰਮੇਸੀਆਂ 'ਚ ਵੰਡਿਆ ਜਾ ਰਿਹਾ ਹੈ।
ਇਸ ਦਾ ਮਤਲਬ ਹੈ ਕਿ ਹੁਣ ਤਕ ਜਿੰਨੀਆਂ ਫਾਰਮੇਸੀਆਂ 'ਚ ਇਹ ਵੈਕਸੀਨ ਉਪਲਬਧ ਸੀ, ਉਸ 'ਚ ਵੀ ਵਾਧਾ ਹੋਣ ਜਾ ਰਿਹਾ ਹੈ।
ਹੁਣ ਸੂਬੇ ਦੀਆਂ ਕੁੱਲ 488 ਫਾਰਮੇਸੀਆਂ ਵੈਕਸੀਨ ਪ੍ਰਦਾਨ ਕਰਨ ਦੀ ਪ੍ਰੀਕਿਰਿਆ 'ਚ ਸ਼ਾਮਿਲ ਹੋਣਗੀਆਂ।
ਯਾਦ ਰਹੇ ਇਸ ਹਫਤੇ 55 ਤੋਂ 65 ਸਾਲ ਵਾਲਿਆਂ ਲਈ ਅਪਾਇੰਟਮੈਂਟਸ ਖੋਲੀਆਂ ਗਈਆਂ ਸਨ ਅਤੇ ਉਸ ਮੌਕੇ ਕਾਲਸ ਦਾ ਹੜ੍ਹ ਆ ਗਿਆ ਸੀ।
ਪਰ ਹੁਣ ਵੈਕਸੀਨ ਦੇ ਵਾਧੇ ਤੇ ਫਾਰਮੇਸੀਆਂ ਦੇ ਵਾਧੇ ਨਾਲ ਅਪਾਇੰਟਮੈਂਟ ਹਾਸਿਲ ਕਰਨ ਦੀ ਪ੍ਰੀਕਿਰਿਆ ਹੋਰ ਤੇਜ਼ ਅਤੇ ਆਸਾਨ ਹੋਣ ਦੀ ਆਸ ਹੈ।
