21.46C Vancouver 21.46C VancouverAug 28, 2023 8:04 PM - Connect News
ਬੀ.ਸੀ. ਦੇ ਓਕਾਨਾਗਨ ਵਿੱਚ ਜੰਗਲ ਦੀ ਅੱਗ ਵਿੱਚ ਨੁਕਸਾਨੀਆਂ ਗਈਆਂ ਜਾਂ ਪੂਰੀ ਤਰ੍ਹਾਂ ਤਬਾਹ ਹੋ ਗਈਆਂ ਪ੍ਰੌਪਰਟੀਜ਼ ਦੀ ਗਿਣਤੀ 189 ਹੋ ਗਈ ਹੈ।
ਸੈਂਟਰਲ ਓਕਾਨਾਗਨ ਐਮਰਜੈਂਸੀ ਓਪਰੇਸ਼ਨਜ਼ ਨੇ ਸੋਮਵਾਰ ਨੂੰ ਇਸ ਦਾ ਖੁਲਾਸਾ ਕੀਤਾ ਹੈ।
ਵੈਸਟ ਕੇਲੋਨਾ ਅਤੇ ਸੈਂਟਰਲ ਓਕਾਨਾਗਨ ਵੈਸਟ ਇਲੈਕਟੋਰਲ ਏਰੀਆ ਏ ਦੇ ਖੇਤਰੀ ਜ਼ਿਲ੍ਹੇ ਵਿੱਚ ਇਹ ਪ੍ਰੌਪਰਟੀਜ਼ ਨੁਕਸਾਨੀਆਂ ਗਈਆਂ ਹਨ।
ਵੈਸਟ ਕੇਲੋਨਾ ਫਾਇਰ ਚੀਫ ਜੇਸਨ ਬਰੋਲੰਡ ਨੇ ਇੱਕ ਬ੍ਰੀਫਿੰਗ ਵਿੱਚ ਦੱਸਿਆ ਹੈ ਕਿ ਵਿਨਾਸ਼ਕਾਰੀ ਮੈਕਡੂਗਲ ਕ੍ਰੀਕ ਅੱਗ ਅਜੇ ਵੀ ਕਾਬੂ ਤੋਂ ਬਾਹਰ ਹੈ।
ਮੁੱਖ ਪ੍ਰਸ਼ਾਸਨਿਕ ਅਧਿਕਾਰੀ ਸੈਲੀ ਗਿੰਟਰ ਦਾ ਕਹਿਣਾ ਹੈ ਕਿ ਕੇਂਦਰ ਸਾਰੇ ਪ੍ਰਭਾਵਿਤ ਘਰਾਂ ਦੇ ਮਾਲਕਾਂ ਨਾਲ ਸੰਪਰਕ ਕਰ ਰਿਹਾ ਹੈ ਅਤੇ ਉਹਨਾਂ ਨੂੰ cordemergency.ca/propertyinfo 'ਤੇ ਆਨਲਾਈਨ ਆਪਣੀ ਜਾਇਦਾਦ ਦੀ ਸਥਿਤੀ ਦੀ ਮੁੜ ਜਾਂਚ ਕਰਨ ਲਈ ਕਿਹਾ ਜਾ ਰਿਹਾ ਹੈ।
ਗਿੰਟਰ ਦਾ ਕਹਿਣਾ ਹੈ ਕਿ ਉਹ ਜਾਣਦੇ ਹਨ ਕਿ ਘਰਾਂ ਦੀ ਸਥਿਤੀ ਬਾਰੇ ਇੰਤਜ਼ਾਰ ਕਰਨਾ ਬਹੁਤ ਤਣਾਅਪੂਰਨ ਰਹੇਗਾ।
ਉਨ੍ਹਾਂ ਨੇ ਨੁਕਸਾਨੀਆਂ ਗਈਆਂ ਪ੍ਰੌਪਰਟੀਜ਼ ਬਾਰੇ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਲੇਕ ਕੰਟਰੀ ਵਿੱਚ ਤਿੰਨ, ਕਲੋਨਾ ਵਿੱਚ ਚਾਰ, ਵੈਸਟਬੈਂਕ ਫਸਟ ਨੇਸ਼ਨ ਵਿੱਚ 19, ਵੈਸਟ ਕਲੋਨਾ ਵਿੱਚ 69 ਅਤੇ ਕੇਂਦਰੀ ਓਕਾਨਾਗਨ ਦੇ ਖੇਤਰੀ ਜ਼ਿਲ੍ਹੇ ਵਿੱਚ 94 ਪ੍ਰੌਪਰਟੀਜ਼ ਸ਼ਾਮਲ ਹਨ।
ਲੇਕ ਓਕਾਨਾਗਨ ਰਿਜੋਰਟ ਨੂੰ ਇੱਕ ਸੰਪਤੀ ਵਜੋਂ ਗਿਣਿਆ ਗਿਆ ਹੈ, ਹਾਲਾਂਕਿ ਅਧਿਕਾਰੀਆਂ ਨੇ ਨੋਟ ਕੀਤਾ ਹੈ ਕਿ ਉੱਥੇ 150 ਯੂਨਿਟ ਪ੍ਰਭਾਵਿਤ ਹੋਏ ਹਨ।
ਬੀਸੀ ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ 250 ਤੋਂ ਵੱਧ ਫਾਇਰਫਾਈਟਰਜ਼ ਅਤੇ ਫੀਲਡ ਸਟਾਫ ਲੇਕ ਓਕਾਨਾਗਨ ਦੇ ਆਲੇ ਦੁਆਲੇ ਅੱਗ ਨੂੰ ਬੁਝਾਉਣ ਦੀ ਕੋਸ਼ਿਸ਼ ਵਿੱਚ ਲੱਗੇ ਹੋਏ ਹਨ।
