31.13C Vancouver 31.13C VancouverDec 14, 2020 6:37 PM -
ਬੀ.ਸੀ. 'ਚ ਕੈਲੋਨਾ ਇਲਾਕੇ 'ਚ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਪ੍ਰਦਰਸ਼ਨ ਦੇ ਪ੍ਰਬੰਧਕ ਨੂੰ $2,300 ਦਾ ਜੁਰਮਾਨਾ ਠੋਕਿਆ ਗਿਆ ਹੈ।
ਇਹ ਪ੍ਰਦਰਸ਼ਨ ਕੋਵਿਡ-19 ਦੀਆਂ ਪਬੰਦੀਆਂ ਖਿਲਾਫ਼ ਕੀਤਾ ਗਿਆ ਸੀ।
ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਪ੍ਰਦਰਸ਼ਨ ਦੌਰਾਨ ਕੀਤੇ ਗਏ ਮਾਰਚ ਦੌਰਾਨ, ਡਾਊਨਟਾਊਨ ਇਲਾਕੇ 'ਚ ਸੈਂਕੜੇ ਲੋਕ ਸ਼ਾਮਿਲ ਹੋਏ ਸਨ।
ਮਾਮਲਾ ਸ਼ਨੀਵਾਰ ਦਾ ਹੈ।
ਪੁਲਿਸ ਨੇ ਇਸ ਪ੍ਰੋਟੈਸਟ ਦੇ ਲੀਡਰ ਦਾ ਨਾਮ ਸਾਂਝਾ ਨਹੀਂ ਕੀਤਾ ਹੈ।
ਪੁਲਿਸ ਅਨੁਸਾਰ ਮੌਕੇ 'ਤੇ ਕਈ ਅਫ਼ਸਰ ਮੌਜੂਦ ਰਹੇ ਸਨ, ਤਾਂ ਜੋ ਪ੍ਰਦਰਸ਼ਨਕਾਰੀਆਂ ਅਤੇ ਹੋਰ ਲੋਕਾਂ ਵਿਚਾਲੇ ਸ਼ਾਂਤੀ ਬਣਾ ਕੇ ਰੱਖੀ ਜਾ ਸਕੇ ਅਤੇ ਟਿਕਟ ਜਾਰੀ ਕਰਦੇ ਹੋਏ ਕੋਈ ਹੰਗਾਮਾ ਨਾ ਹੋਵੇ।
