13.44C Vancouver 13.44C VancouverSep 26, 2023 7:27 PM - Connect News
ਪ੍ਰਿੰਸ ਜਾਰਜ ਵਿੱਚ ਹੈਲੀਕਾਪਟਰ ਦੇ ਹਾਦਸਾਗ੍ਰਸਤ ਹੋਣ ਕਾਰਨ ਦੋ ਲੋਕਾਂ ਦੀ ਮੌਤ ਹੋ ਗਈ ਅਤੇ ਚਾਰ ਜ਼ਖ਼ਮੀ ਹੋ ਗਏ ਹਨ।
ਕੈਨੇਡਾ ਦੇ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਨੇ ਇਹ ਜਾਣਕਾਰੀ ਸਾਂਝੀ ਕੀਤੀ ਹੈ।
ਬੋਰਡ ਨੇ ਇੱਕ ਬਿਆਨ ਵਿੱਚ ਕਿਹਾ ਹੈ ਕਿ ਭਿਆਨਕ ਹੈਲੀਕਾਪਟਰ ਦੁਰਘਟਨਾ ਤੋਂ ਬਾਅਦ ਜਾਂਚਕਰਤਾਵਾਂ ਦੀ ਇੱਕ ਟੀਮ ਤਾਇਨਾਤ ਕੀਤੀ ਗਈ ਹੈ।
ਫੈਡਰਲ ਏਜੰਸੀ ਦਾ ਕਹਿਣਾ ਹੈ ਕਿ ਬੈੱਲ 206L ਹੈਲੀਕਾਪਟਰ ਕਰੈਸ਼ ਹੋਇਆ ਹੈ।
ਇਹ ਹਾਦਸਾ ਪ੍ਰਿੰਸ ਜਾਰਜ ਦੇ ਪੂਰਬ ਵੱਲ ਪਰਡਨ ਲੇਕ ਨੇੜੇ ਸਵੇਰੇ 7:30 ਦੇ ਕਰੀਬ ਵਾਪਰਿਆ।
ਬੀਸੀ ਐਮਰਜੈਂਸੀ ਹੈਲਥ ਸਰਵਿਸਿਜ਼ ਦੇ ਅਨੁਸਾਰ ਛੇ ਐਂਬੂਲੈਂਸਾਂ ਮੌਕੇ 'ਤੇ ਪਹੁੰਚ ਗਈਆਂ ਸਨ।
ਏਜੰਸੀ ਨੇ ਕਿਹਾ ਹਾਲੇ ਤੱਕ ਹੈਲੀਕਾਪਟਰ ਦੇ ਕਰੈਸ਼ ਹੋਣ ਦੇ ਕਾਰਨ ਦਾ ਪਤਾ ਨਹੀਂ ਲੱਗ ਸਕਿਆ, ਪਰ ਟੀਐਸਬੀ ਜਾਣਕਾਰੀ ਇਕੱਠੀ ਕਰੇਗੀ ਅਤੇ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਕੋਰਪਰੋਲ ਜੈਨੀਫਰ ਕੂਪਰ ਨੇ ਇਸ ਖੇਤਰ ਤੋਂ ਲੰਘਣ ਵਾਲੇ ਵਿਅਕਤੀਆਂ ਨੂੰ ਕਿਹਾ ਕਿ ਉਹ ਹੌਲੀ ਹੋ ਕੇ ਅੱਗੇ ਵੱਧਣ ਅਤੇ ਫਲੈਗਰ ਸਿਗਨਲਾਂ ਦੀ ਪਾਲਣਾ ਕਰਨ।
