24.02C Vancouver 24.02C VancouverJul 27, 2022 6:27 PM - Connect News
ਸਰੀ 'ਚ ਹੋਏ ਰਿਪੂਦਮਨ ਸਿੰਘ ਮਲਿਕ ਦੇ ਕਤਲ ਮਾਮਲੇ 'ਚ 2 ਲੋਕਾਂ 'ਤੇ ਦੋਸ਼ ਤੈਅ ਕੀਤੇ ਗਏ ਹਨ।
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਨੇ ਜਾਣਕਾਰੀ ਦਿੱਤੀ ਹੈ ਕਿ ਮਾਮਲੇ 'ਚ 2 ਲੋਕਾਂ ਦੀ ਗ੍ਰਿਫਤਾਰੀ ਹੋਈ ਹੈ ਅਤੇ ਦੋਵਾਂ 'ਤੇ ਫਰਸਟ ਡਿਗਰੀ ਕਤਲ ਦੇ ਦੋਸ਼ ਲੱਗੇ ਹਨ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਲੋਕਾਂ ਦੀ ਪਛਾਣ 21 ਸਾਲਾ ਟੈਨਰ ਫੌਕਸ ਅਤੇ 23 ਸਾਲਾ ਹੋਜ਼ੇ ਲੋਪੇਜ ਵਜੋਂ ਹੋਈ ਹੈ।
ਯਾਦ ਰਹੇ 75 ਸਾਲਾ ਰਿਪੂਦਮਨ ਸਿੰਘ ਮਲਿਕ ਦਾ ਦਿਨ-ਦਿਹਾੜੇ 82 ਐਵੀਨਿਊ ਅਤੇ 128 ਸਟ੍ਰੀਟ ਦੇ ਇਲਾਕੇ 'ਚ ਸਥਿਤ ਪਲਾਜਾ 'ਚ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ।
ਘਟਨਾ ਨੂੰ 14 ਜੁਲਾਈ ਨੂੰ ਅੰਜਾਮ ਦਿੱਤਾ ਗਿਆ ਸੀ।
ਵਾਰਦਾਤ ਨੂੰ ਬਾਅਦ 82 ਐਵੀਨਿਊ ਦੇ 12200 ਬਲੌਕ 'ਚ ਇੱਕ ਵਾਹਨ ਨੂੰ ਅੱਗ ਦੇ ਹਵਾਲੇ ਕੀਤਾ ਪਾਇਆ ਗਿਆ ਸੀ।
