13.99C Vancouver 13.99C VancouverJun 20, 2023 6:50 PM - The Canadian Press
ਕੈਨੇਡੀਅਨ ਏਅਰ ਫੋਰਸ ਦਾ ਸੀ.ਐਚ. -147 ਚਿਨੂਕ ਹੈਲੀਕਾਪਟਰ ਔਟਵਾ ਨਦੀ ਵਿਚ ਕਰੈਸ਼ ਹੋਣ ਨਾਲ ਦੋ ਕਰੂ ਮੇਮ੍ਬਰਸ ਲਾਪਤਾ ਹਨ।
ਏਅਰ ਫੋਰਸ ਵਲੋਂ ਉਨ੍ਹਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।
ਏਅਰ ਫੋਰਸ ਮੁਤਾਬਕ ਘਟਨਾ ਪੂਰਬੀ ਓਨਟਾਰੀਓ ਦੇ ਕੈਨੇਡੀਅਨ ਆਰਮੀ ਬੇਸ ਨੇੜੇ ਲੋਕਲ ਸਮੇਂ ਅਨੁਸਾਰ ਅੱਧੀ ਰਾਤ ਨੂੰ ਲਗਬਗ 12:10 ਵਜੇ ਵਾਪਰੀ।
ਕੈਨੇਡੀਅਨ ਏਅਰ ਫੋਰਸ ਨੇ ਕਿਹਾ ਕਿ ਚਿਨੂਕ ਹੈਲੀਕਾਪਟਰ- ਗੈਰੀਸਨ ਪੇਟਵਾਵਾ ਵਿਚ ਔਟਵਾ ਨਦੀ ਕੋਲ ਔਪਰੇਟ ਕਰ ਰਿਹਾ ਸੀ।
ਹਾਦਸਾ ਸਿਖਲਾਈ ਉਡਾਣ ਦੌਰਾਨ ਵਾਪਰਿਆ।
ਹੈਲੀਕਾਪਟਰ ਵਿਚ ਚਾਰ ਕਰੂ ਮੇਮ੍ਬਰਸ ਸਵਾਰ ਸਨ।
ਦੋ ਇੱਕ ਨੇੜਲੇ ਹਸਪਤਾਲ ਵਿਚ ਦਾਖਲ ਹਨ ਅਤੇ ਦੋ ਹੋਰਾਂ ਦੀ ਭਾਲ ਵਿਚ ਕੈਨੇਡੀਅਨ ਏਅਰ ਫੋਰਸ ਦੇ 50 ਮੇਮ੍ਬਰਸ ਲੱਗੇ ਹੋਏ ਹਨ।
ਓਨਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਦੀ ਸਮੁੰਦਰੀ ਇਕਾਈ ਵੀ ਇਸ ਵਿਚ ਸਾਥ ਦੇ ਰਹੀ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇਸ ਘਟਨਾ ਵਿਚ ਜ਼ਖਮੀ ਹੋਏ ਏਅਰ ਫੋਰਸ ਦੇ ਮੇਮ੍ਬਰਸ ਦੇ ਜਲਦ ਠੀਕ ਹੋਣ ਦੀ ਕਾਮਨਾ ਕੀਤੀ ਹੈ ਅਤੇ ਦੋ ਹੋਰ ਮੈਂਬਰਸ ਦੇ ਜਲਦ ਮਿਲਣ ਦੀ ਆਸ ਜਤਾਈ ਹੈ।
