18.34C Vancouver 18.34C VancouverJun 30, 2026 5:01 PM - Connect Newsroom - Jasmine Singh with files from The Canadian Press
ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਕੈਨੇਡਾ ਦੇ ਵੈਸਟ ਕੋਸਟ ਤੱਕ ਇੱਕ ਨਵੀਂ ਤੇਲ ਪਾਈਪਲਾਈਨ ਵਿਛਾਉਣ ਦੀ ਯੋਜਨਾ ਦੇ ਅਗਲੇ ਪੜਾਅ ਬਾਰੇ ਵੀਰਵਾਰ ਨੂੰ ਐਲਾਨ ਕਰਨ ਜਾ ਰਹੇ ਹਨ।ਪਿਛਲੇ ਸਾਲ ਐਲਬਰਟਾ ਅਤੇ ਫੈਡਰਲ ਸਰਕਾਰ ਵਿਚਕਾਰ ਹੋਏ Energy MOU ਤਹਿਤ, ਸੂਬਾ ਸਰਕਾਰ ਕੋਲ ਮੇਜਰ ਪ੍ਰੋਜੈਕਟਸ ਆਫਿਸ ਨੂੰ ਆਪਣੀ ਤਜਵੀਜ਼ ਸੌਂਪਣ ਲਈ 1 ਜੁਲਾਈ ਤੱਕ ਦਾ ਸਮਾਂ ਸੀ।
ਪ੍ਰੀਮੀਅਰ ਸਮਿਥ ਦੇ ਪ੍ਰੈੱਸ ਸਕੱਤਰ ਸੈਮੂਅਲ ਬਲੈਕੇਟ ਨੇ ਸੋਮਵਾਰ ਨੂੰ ਪੁਸ਼ਟੀ ਕੀਤੀ ਕਿ ਪ੍ਰੀਮੀਅਰ 2 ਜੁਲਾਈ ਨੂੰ ਵੱਡਾ ਐਲਾਨ ਕਰਨਗੇ, ਜਿਸ ਵਿੱਚ 1 ਮਿਲੀਅਨ ਬੈਰਲ ਪ੍ਰਤੀ ਦਿਨ ਦੀ ਸਮਰੱਥਾ ਵਾਲੀ ਇਸ ਨਵੀਂ ਪਾਈਪਲਾਈਨ ਦੇ ਪ੍ਰਸਤਾਵ ਬਾਰੇ ਨਵੇਂ ਵੇਰਵੇ ਸਾਂਝੇ ਕੀਤੇ ਜਾਣਗੇ।ਇਸੇ MOU ਦੇ ਹਿੱਸੇ ਵਜੋਂ, ਮਈ ਵਿੱਚ ਪ੍ਰੀਮੀਅਰ ਸਮਿਥ ਅਤੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਸਮਝੌਤੇ ਦਾ ਐਲਾਨ ਕੀਤਾ ਸੀ।
ਇਸ ਤਹਿਤ ਉਦਯੋਗਿਕ ਕਾਰਬਨ ਦੀ ਕੀਮਤ $130 ਪ੍ਰਤੀ ਟਨ ਕਰਨ ਦੀ ਮਿਆਦ ਨੂੰ ਇੱਕ ਦਹਾਕੇ ਲਈ ਅੱਗੇ ਵਧਾ ਕੇ 2040 ਕਰ ਦਿੱਤਾ ਗਿਆ ਹੈ।ਫੈਡਰਲ ਸਰਕਾਰ ਮੁਤਾਬਕ ਉਹ 1 ਅਕਤੂਬਰ 2026 ਤੱਕ ਇਸ ਪਾਈਪਲਾਈਨ ਨੂੰ Project of national interest ਐਲਾਨਣ ਲਈ ਕੰਮ ਕਰੇਗੀ ਅਤੇ 1 ਸਤੰਬਰ 2027 ਤੱਕ ਇਸ ਦੇ ਨਿਰਮਾਣ ਨੂੰ ਮਨਜ਼ੂਰੀ ਮਿਲਣ ਦੀ ਸੰਭਾਵਨਾ ਹੈ। ਸੂਬਾ ਸਰਕਾਰ ਦੇ ਅਧਿਕਾਰੀਆਂ ਮੁਤਾਬਕ, ਉਹ ਇਸ ਪਾਈਪਲਾਈਨ ਨੂੰ 2033-34 ਤੱਕ ਪੂਰੀ ਤਰ੍ਹਾਂ ਚਾਲੂ ਦੇਖਣਾ ਚਾਹੁੰਦੇ ਹਨ।
