27.43C Vancouver 27.43C VancouverOct 28, 2022 11:58 PM - The Canadian Press
ਨੌਰਥ ਸਰੀ ਦੇ ਇਲਾਕੇ 'ਚ ਇੱਕ ਘਰ 'ਚ ਅੱਗ ਲੱਗਣ ਦੀ ਘਟਨਾ 'ਚ 2 ਲੋਕਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਹੈ।
ਘਰ 'ਚ ਭਿਆਨਕ ਢੰਗ ਨਾਲ ਫੈਲੀ ਅੱਗ ਕਾਰਨ ਉੱਚੀਆਂ ਲਪਟਾਂ ਅਤੇ ਸੰਘਣਾ ਧੁਆਂ ਉਠਦਾ ਵੇਖਿਆ ਜਾ ਸਕਦਾ ਸੀ।
ਘਟਨਾ 'ਚ ਘਰ ਬੁਰੀ ਤਰ੍ਹਾਂ ਨੁਕਸਾਨਿਆ ਗਿਆ।
ਮਾਮਲਾ ਵੀਰਵਾਰ ਰਾਤ ਦਾ ਦੱਸਿਆ ਗਿਆ ਹੈ।
ਜਿਸ ਘਰ 'ਚ ਅੱਗ ਲੱਗੀ, ਉਸ ਨੂੰ 123A ਸਟ੍ਰੀਟ ਕੋਲ ਆਇਓਨਾ ਪਲੇਸ ਦੇ ਇਲਾਕੇ 'ਚ ਸਥਿਤ ਦੱਸਿਆ ਗਿਆ ਹੈ।
ਆਲੇ-ਦੁਆਲੇ ਦੇ ਲੋਕਾਂ ਦਾ ਕਹਿਣਾ ਸੀ ਕਿ ਘਰ 'ਚ ਜਬਰਦਸਤ ਧਮਾਕਾ ਸੁਣਾਈ ਦਿੱਤਾ ਸੀ।
ਇੱਕ ਗੁਆਂਢੀ ਦਾ ਕਹਿਣਾ ਸੀ ਕਿ ਧਮਾਕੇ ਕਾਰਨ ਉਨ੍ਹਾਂ ਦਾ ਘਰ ਕੰਭ ਗਿਆ ਸੀ ਅਤੇ ਜਦ ਉਨ੍ਹਾਂ ਬਾਹਰ ਜਾ ਕੇ ਵੇਖਿਆ ਤਾਂ ਅਹਿਸਾਸ ਹੋਇਆ ਕਿ ਅਸਲ ਧਮਾਕਾ ਕਿਸੇ ਹੋਰ ਘਰ 'ਚ ਹੋਇਆ ਹੈ।
ਅੱਗ ਲੱਗਣ ਦੇ ਕਾਰਨ ਸੰਬੰਧੀ ਤਸਵੀਰ ਸਪਸ਼ਟ ਨਹੀਂ ਹੋ ਸਕੀ ਹੈ।
