14.43C Vancouver 14.43C VancouverDec 29, 2023 3:10 PM - Connect News
ਮਾਉਟੇਂਨ ਵਿਊ ਕਾਉਂਟੀ ਵਿਚ ਸੜਕ ਹਾਦਸੇ ਦੌਰਾਨ ਮਾਰੇ ਗਏ ਟੀਨਏਜਰ ਲੜਕਾ-ਲੜਕੀ ਦੀ ਪਛਾਣ ਚਿਨੂਕਸ ਐਂਡ ਸਕੂਲ ਡਿਵੀਜ਼ਨ ਦੇ ਵਿਦਿਆਰਥੀਆਂ ਵਜੋਂ ਹੋਈ ਹੈ ਪਰ ਉਨ੍ਹਾਂ ਨੇ ਨਾਮ ਸਾਂਝੇ ਨਹੀਂ ਕੀਤੇ ਗਏ।
ਸੁਪਰਡੈਂਟ ਕਰਟ ਸੈਚਰ ਨੇ ਕਿਹਾ ਕਿ ਇਹ ਬਹੁਤ ਦੁੱਖਦਾਈ ਖਬਰ ਹੈ, ਸਟਾਫ ਅਤੇ ਸਟੂਡੈਂਟਸ ਇਸ ਖਬਰ ਨਾਲ ਉਦਾਸ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਦੋਵੇਂ ਬਹੁਤ ਚੰਗੇ ਦੋਸਤ ਸਨ। ਪੁਲਿਸ ਮੁਤਾਬਕ ਬੁੱਧਵਾਰ ਸ਼ਾਮ ਲਗਭਗ 5 ਵਜੇ ਸਿੰਗਲ ਵਾਹਨ ਕ੍ਰੈਸ਼ ਵਿਚ ਦੋਵਾਂ ਦੀ ਜਾਨ ਗਈ।
ਇਹ ਹਾਦਸਾ “ਟਾਊਨਸ਼ਿਪ ਰੋਡ 292 ਅਤੇ ਰੇਂਜ ਰੋਡ 14 ਨੇੜੇ ਵਾਪਰਿਆ। ਪੁਲਿਸ ਮੁਤਾਬਕ ਦੋਵਾਂ ਨੇ ਸੀਟਬੈਲਟ ਨਹੀਂ ਲਗਾਈ ਸੀ ਅਤੇ ਹਾਦਸੇ ਦੌਰਾਨ ਜਦ ਵਾਹਨ ਉਲਟਿਆ ਤਾਂ ਦੋਵਾਂ ਦੀ ਮੌਤ ਹੋ ਗਈ।
ਅਧਿਕਾਰੀ ਮੁਤਾਬਕ ਵਿਕਟਿਮ 16 ਸਾਲਾ ਲੜਕਾ ਅਤੇ 14 ਸਾਲਾ ਲੜਕੀ ਡਿਸਬਰੀ ਦੇ ਰਹਿਣ ਵਾਲੇ ਸਨ। ਅਧਿਕਾਰੀ ਮੁਤਾਬਕ ਫਿਲਹਾਲ ਜਾਂਚ ਚੱਲ ਰਹੀ ਹੈ ਪਰ ਇਸ ਗੱਲ ਦੀ ਪੁਸ਼ਟੀ ਹੋਈ ਹੈ ਕਿ ਸ਼ਰਾਬ ਮੌਤ ਦਾ ਕਾਰਨ ਨਹੀਂ ਹੈ। ਦੋਵਾਂ ਦੀ ਮੌਤ ’ਤੇ ਸਕੂਲ ਦੇ ਸਟਾਫ ਅਤੇ ਸਟੂਡੈਂਟਸ ਨੇ ਦੁੱਖ ਸਾਂਝਾ ਕੀਤਾ ਹੈ।
