12.25C Vancouver 12.25C VancouverMay 1, 2020 10:34 PM -
ਵੈਨਕੂਵਰ ਪੁਲਿਸ ਦਾ ਕਹਿਣਾ ਹੈ ਕਿ ਵੈਨਕੂਵਰ ਦੇ ਏਸ਼ਿਆਈ ਭਾਈਚਾਰੇ ਨੂੰ ਨਿਸ਼ਾਨਾ ਬਣਾਉਣ ਵਾਲੇ 20 ਨਫਰਤੀ ਮਾਮਲੇ, ਇਸ ਸਾਲ ਵਾਪਰ ਚੁੱਕੇ ਹਨ।
ਇਸਦੇ ਵਿਚ 11 ਮਾਮਲੇ ਸਿਰਫ ਅਪ੍ਰੈਲ ਦੇ ਮਹੀਨੇ 'ਚ ਵਾਪਰੇ ਦੱਸੇ ਗਏ ਹਨ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਕਿਹਾ ਕਿ ਇਨ੍ਹਾਂ 'ਚ ਇੱਕ ਮਾਮਲਾ, ਚੀਨੀ ਕਲਚਰਲ ਸੈਂਟਰ 'ਤੇ ਨਫਰਤੀ ਚਿੰਨ ਬਣਾਉਣ ਦਾ ਹੈ ਜੋ ਕਿ ਕਾਫੀ ਵਿਚਲਿਤ ਕਰਨ ਵਾਲਾ ਹੈ।
ਉਨ੍ਹਾਂ ਦੱਸਿਆ ਕਿ 2 ਅਪ੍ਰੈਲ ਦੀ ਇਸ ਘਟਨਾ ਨੂੰ ਵਧੇਰੇ ਗੰਭੀਰ ਇਸਲਈ ਮੰਨਿਆ ਜਾ ਰਿਹਾ ਹੈ ਕਿ ਇਸਨੂੰ ਦਿਨ ਦਿਹਾੜੇ ਅੰਜਾਮ ਦਿੱਤਾ ਗਿਆ ਅਤੇ ਸ਼ੱਕੀ ਨੂੰ ਸਰਵੇਲੈਂਸ ਕੈਮਰਿਆਂ 'ਚ ਸਾਫ ਵੇਖਿਆ ਜਾ ਸਕਦਾ ਹੈ।
ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਇਸ ਇਲਾਕੇ 'ਚ ਇੱਕ ਸੇਫਟੀ ਟਰੇਲਰ, ਅਤੇ ਕੈਮਰਾ ਲਗਾ ਦਿੱਤਾ ਹੈ ਤਾਂ ਜੋ ਭਵਿੱਖ 'ਚ ਅਜਿਹੇ ਮਾਮਲਿਆਂ 'ਚ ਅੜਿੱਕੇ ਪੇਸ਼ ਕੀਤੇ ਜਾ ਸਕਣ।
