8.8C Vancouver 8.8C VancouverApr 27, 2022 9:07 PM - The Canadian Press
ਸਟੈਟਿਸਟਿਕਸ ਕੈਨੇਡਾ ਦੇ ਡਾਇਰੈਕਟਰ ਦਾ ਡੈਮੋਗਰੈਫੀ ਦਾ ਕਹਿਣਾ ਹੈ ਕਿ ਕੈਨੇਡਾ ਦੀ ਜਲਦੀ ਹੀ 'ਡੈਮੋਗ੍ਰੈਫੀਕ ਡੈਸਟਿਨੀ' ਨਾਲ ਡੇਟ ਫਿਕਸ ਹੋ ਸਕਦੀ ਹੈ।
ਸਾਲ 2021 ਦੇ ਸੈਂਸਸ 'ਚ ਸਾਹਮਣੇ ਆਇਆ ਹੈ ਕਿ, ਦੇਸ਼ 'ਚ 85 ਸਾਲ ਤੋਂ ਵਧੇਰੀ ਉਮਰ ਦੇ ਲੋਕਾਂ ਦਾ ਏਜ-ਗਰੁੱਪ, ਸਭ ਤੋਂ ਤੇਜੀ ਨਾਲ ਵਧ ਰਹੇ ਏਜ-ਗਰੁੱਪ ਵਜੋਂ ਉਭਰਿਆ ਹੈ।
ਇਸ ਦੇ ਨਾਲ ਕੈਨੇਡਾ ਸਾਹਮਣੇ ਸੀਨੀਅਰ ਕੇਅਰ ਦਾ ਸੰਕਟ ਖੜਾ ਹੋਣ ਦੇ ਅਨੁਮਾਨ ਲਗਾਏ ਜਾਣ ਲੱਗੇ ਹਨ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਸ ਨਾਲ ਕੈਨੇਡਾ 'ਸੀਨੀਅਰ ਕੇਅਰ ਕਰਾਈਸਿਸ' ਵੱਲ ਵਧਣ ਲੱਗਾ ਹੈ।
ਹਾਲਾਂਕਿ ਸਾਲ 2026 ਤਕ ਕੈਨੇਡਾ 'ਚ 'ਮਿਲੈਨੀਅਲ ਪੌਪੂਲੇਸ਼ਨ' ਨੂੰ ਸਭ ਤੋਂ ਵੱਡਾ ਆਬਾਦੀ ਗਰੁੱਪ ਬਣਕੇ ਉਭਰਨ ਦਾ ਅਨੁਮਾਨ ਪੇਸ਼ ਕੀਤਾ ਗਿਆ ਹੈ।
ਸਦੀ ਦੇ ਆਖਰੀ 2 ਦਹਾਕਿਆਂ 'ਚ ਜਨਮੇ ਲੋਕਾਂ ਨੂੰ ਮਿਲੈਨੀਅਲ ਪੌਪੂਲੇਸ਼ਨ ਵਜੋਂ ਸੰਬੋਧਿਤ ਕੀਤਾ ਜਾਂਦਾ ਹੈ।
ਮਾਹਿਰਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ 85 ਸਾਲ ਤੋਂ ਵਧੇਰੀ ਉਮਰ ਦੇ ਲੋਕਾਂ ਦੀ ਤੇਜੀ ਨਾਲ ਵਧਦੀ ਆਬਾਦੀ ਨਾਲ ਸਿਹਤ ਸੇਵਾਵਾਂ ਦੀ ਵਧਦੀ ਡਿਮਾਂਡ ਨੂੰ ਫੰਡ ਕਰਨਾ ਮੁਸ਼ਕਿਲ ਹੋ ਸਕਦਾ ਹੈ।
