17.32C Vancouver 17.32C VancouverSep 25, 2024 5:31 PM - The Canadian Press
ਕੈਨੇਡਾ ਦਾ ਜੰਗਲੀ ਅੱਗ ਦਾ ਸੀਜ਼ਨ ਘੱਟੋ-ਘੱਟ ਪਿਛਲੇ ਦੋ ਦਹਾਕਿਆਂ ਦਾ ਦੂਜਾ ਸਭ ਤੋਂ ਵੱਡਾ ਜੰਗਲੀ ਅੱਗ ਦਾ ਸੀਜ਼ਨ ਬਣਨ ਦੀ ਰਾਹ ’ਤੇ ਹੈ ਅਤੇ ਇਹ ਸਿਰਫ ਪਿਛਲੇ ਸਾਲ ਦੇ ਰਿਕਾਰਡ ਤੋੜਨ ਵਾਲੇ ਸੀਜ਼ਨ ਤੋਂ ਹੀ ਪਿੱਛੇ ਹੈ।
ਫੈਡਰਲ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਕੈਨੇਡਾ ਦੇ ਕੁਝ ਹਿੱਸਿਆਂ ਵਿਚ ਆਮ ਤੋਂ ਵੱਧ ਤਾਪਮਾਨ ਅਤੇ ਸੋਕੇ ਦੇ ਹਾਲਾਤ ਨੇ ਅੱਗ ਦੀਆਂ ਗਤੀਵਿਧੀਆਂ ਨੂੰ ਜਾਰੀ ਰੱਖਿਆ ਹੈ, ਜਿਸ ਵਿਚ ਹੁਣ ਤੱਕ 5.3 ਮਿਲੀਅਨ ਹੈਕਟੇਅਰ ਜੰਗਲ ਸੜ ਚੁੱਕਾ ਹੈ ਅਤੇ ਇਹ ਅਜੇ ਸਿਰਫ ਸ਼ੁਰੂਆਤੀ ਅੰਕੜੇ ਹਨ।
ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਜੇ ਪਿਛਲੇ ਸਾਲ ਦੇ ਲਗਭਗ 15 ਮਿਲੀਅਨ ਹੈਕਟੇਅਰ ਦੇ ਰਿਕਾਰਡ ਤੋੜ ਸੀਜ਼ਨ ਨੂੰ ਛੱਡ ਦੇਈਏ ਤਾਂ ਹੁਣ ਤੱਕ ਸਿਰਫ ਤਿੰਨ ਸੀਜ਼ਨ ਵਿਚ ਹੀ 5 ਮਿਲੀਅਨ ਹੈਕਟੇਅਰ ਤੋਂ ਵੱਧ ਏਰੀਏ ਵਿਚ ਅੱਗ ਲੱਗੀ ਹੈ ਅਤੇ ਅਜਿਹਾ ਆਖਰੀ ਵਾਰ 1995 ਵਿਚ ਹੋਇਆ ਸੀ।
ਅਧਿਕਾਰੀਆਂ ਨੇ ਕਿਹਾ ਕਿ ਜੰਗਲੀ ਅੱਗ ਨਾਲ ਪੱਛਮੀ ਕੈਨੇਡਾ ਸਭ ਤੋਂ ਵੱਧ ਪ੍ਰਭਾਵਿਤ ਹੋਇਆ ਹੈ, ਇਨ੍ਹਾਂ ਵਿਚ ਬਿ੍ਰਟਿਸ਼ ਕੋਲੰਬੀਆ, ਐਲਬਰਟਾ, ਉੱਤਰ ਪੱਛਮੀ ਪ੍ਰਦੇਸ਼ ਅਤੇ ਸਸਕੈਚਵਨ ਸ਼ਾਮਲ ਹਨ, ਜਿੱਥੇ ਕੁੱਲ ਤਬਾਹੀ ਦਾ ਲਗਭਗ 70 ਫੀਸਦੀ ਹਿੱਸਾ ਸੜਿਆ ਹੈ।
