20.77C Vancouver 20.77C VancouverJan 13, 2022 1:35 AM - The Canadian Press
ਸਿਟੀ ਆਫ ਮੈਰਿਟ ਦਾ ਕਹਿਣਾ ਹੈ ਕਿ ਇਲਾਕੇ ਦੀਆਂ 266 ਪ੍ਰਾਪਰਟੀਆਂ ਹੁਣ ਵੀ ਇਵੈਕੂਏਸ਼ਨ ਆਰਡਰ ਹੇਠ ਰੱਖੀਆਂ ਗਈਆਂ ਹਨ।
ਬੀਤੇ ਸਾਲ ਨਵੰਬਰ 'ਚ ਇਸ ਇਲਾਕੇ 'ਚ ਆਏ ਹੜ੍ਹਾਂ ਵਿਚਾਲੇ 808 ਪ੍ਰਾਪਰਟੀਆਂ ਖਾਲੀ ਕਰਵਾਈਆਂ ਗਈਆਂ ਸਨ ਜਿਸ 'ਚ 266 ਲਈ ਅਜੇ ਵੀ ਖਾਲੀ ਰੱਖੇ ਜਾਣ ਦੇ ਨਿਰਦੇਸ਼ ਜਾਰੀ ਹਨ।
ਐਮਰਜੈਂਸੀ ਆਪ੍ਰੇਸ਼ਨਸ ਸੈਂਟਰ ਦੇ ਇਨਫਰਮੇਸ਼ਨ ਅਫ਼ਸਰ, ਜੀਨ ਸਟਰੌਂਗ ਨੇ ਆਖਿਆ ਕਿ ਇਲਾਕੇ 'ਚ ਕਈ ਅਜਿਹੇ ਲੋਕ ਹਨ ਜੋ ਘਰਾਂ 'ਚ ਪਰਤਣ ਦੀ ਇਜਾਜਤ ਦੇ ਬਾਵਜੂਦ ਘਰਾਂ ਤੋਂ ਬਾਹਰ ਰਹਿਣ ਲਈ ਮਜਬੂਰ ਹਨ।
ਇਸ ਪਿੱਛੇ ਘਰਾਂ ਨੂੰ ਪਹੁੰਚੇ ਨੁਕਸਾਨ ਵਿਚਾਲੇ ਘਰਾਂ ਦੀ ਮਰੱਮਤ ਜਰੂਰੀ ਹੋਣ ਨੂੰ ਕਾਰਨ ਦੱਸਿਆ ਗਿਆ।
ਸਟਰੌਂਗ ਨੇ ਕਿਹਾ ਕਿ ਹਾਊਸਿੰਗ ਨੀਡਸ ਅਸੈਸਮੈਂਟ ਵੱਲੋਂ ਪ੍ਰਭਾਵਿਤ ਹੋਏ ਨਿਵਾਸੀਆਂ ਦੀਆਂ 2 ਸ਼੍ਰੇਣੀਆਂ ਬਣਾਈਆਂ ਗਈਆਂ ਹਨ।
ਇੱਕ ਉਹ ਜੋ ਘਰਾਂ ਨੂੰ ਮੁੜ ਤੋਂ ਉਸਾਰ ਸਕਦੇ ਹਨ ਅਤੇ ਦੂਜੇ ਉਹ ਜੋ ਪੱਕੇ ਤੌਰ 'ਤੇ ਬੇਘਰ ਹੋ ਗਏ ਹਨ।
ਅਫ਼ਸਰ ਨੇ ਕਿਹਾ ਕਿ ਉਨ੍ਹਾਂ ਨੂੰ ਆਸ ਹੈ ਕਿ ਆਉਂਦੇ 6 ਮਹੀਨਿਆਂ 'ਚ ਬਹੁਤੇ ਲੋਕ ਘਰਾਂ ਨੂੰ ਪਰਤ ਸਕਣਗੇ।
