13.3C Vancouver 13.3C VancouverMay 10, 2021 9:25 PM -
ਮੈਟਰੋ ਵੈਨਕੂਵਰ 'ਚ ਹੋਮੀਸਾਈਡ ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਰਿਚਮੰਡ 'ਚ ਹਵਾਈ ਅੱਡੇ ਦੇ ਡਿਪਾਰਚਰ ਗੇਟ ਦੇ ਦਾਖਿਲੇ ਕੋਲ ਵਾਪਰੀ ਗੋਲੀਬਾਰੀ ਦੀ ਘਟਨਾ ਗੈਂਗ ਹਿੰਸਾ ਨਾਲ ਸੰਬੰਧਤ ਸੀ।
ਪੁਲਿਸ ਦਾ ਕਹਿਣਾ ਸੀ ਕਿ 28 ਸਾਲਾ ਕਰਮਨ ਗਰੇਵਾਲ ਦੀ ਮੌਤ ਹੋ ਗਈ ਹੈ।
ਵੈਨਕੂਵਰ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦੇ ਬਾਹਰ ਸਾਈਡਵਾਕ ਦੇ ਕੋਲ ਇਸ ਵਿਅਕਤੀ ਨੂੰ ਗੋਲੀ ਮਾਰ ਦਿੱਤੀ ਗਈ।
ਪੁਲਿਸ ਦਾ ਕਹਿਣਾ ਹੈ ਕਿ ਉਹ ਪੀੜਤ ਆਦਮੀ ਬਾਰੇ ਜਾਣੂ ਸਨ।
ਇਸ ਨੂੰ ਮੈਟਰੋ ਵੈਨਕੂਵਰ 'ਚ ਬੀਤੇ 3 ਹਫ਼ਤਿਆਂ 'ਚ ਵਾਪਰੀ 10ਵੀਂ ਗੋਲੀਬਾਰੀ ਸੰਬੰਧੀ ਮੌਤ ਦੱਸਿਆ ਗਿਆ ਹੈ ਅਤੇ ਇਹ 5ਵਾਂ ਅਜਿਹਾ ਹਮਲਾ ਹੈ ਜਿਸ ਨੂੰ ਮਿਥ ਕੇ ਅੰਜਾਮ ਦਿੱਤਾ ਗਿਆ ਮੰਨਿਆ ਜਾ ਰਿਹਾ ਹੈ।
ਪੁਲਿਸ ਨੇ ਪੁਸ਼ਟੀ ਕੀਤੀ ਕਿ ਇੱਕ ਆਰ.ਸੀ.ਐਮ.ਪੀ. ਕਰੂਜ਼ਰ 'ਤੇ ਵੀ ਗੋਲੀ ਚਲਾਈ ਗਈ ਸੀ।
ਹਾਲਾਂਕਿ ਕਿਸੇ ਪੁਲਿਸ ਅਫ਼ਸਰ ਦੇ ਸੱਟਾਂ ਲੱਗਣ ਤੋਂ ਬਚਾਅ ਰਿਹਾ।
ਯਾਦ ਰਹੇ ਘਟਨਾ ਤੋਂ ਕਰੀਬ ਅੱਧਾ-ਘੰਟਾ ਬਾਅਦ ਸ਼ੱਕੀ ਵਾਹਨ ਨੂੰ ਸਰੀ 'ਚ ਅੱਗ ਦੇ ਹਵਾਲੇ ਕੀਤਾ ਪਾਇਆ ਗਿਆ ਸੀ।
