17.07C Vancouver 17.07C VancouverFeb 9, 2021 9:24 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਦੇਸ਼ 'ਚ ਰਿਪੋਰਟ ਹੋ ਰਹੇ ਹਰ ਰੋਜ਼ ਦੇ ਕੋਵਿਡ-19 ਮਾਮਲਿਆਂ ਦੀ ਔਸਤ 3,500 ਮਾਮਲਿਆਂ 'ਤੇ ਆ ਗਈ ਹੈ।
ਡਾ. ਟੈਮ ਨੇ ਕਿਹਾ ਕਿ ਜਨਵਰੀ 'ਚ ਰਿਪੋਰਟ ਹੁੰਦੇ ਮਾਮਲਿਆਂ ਦੀ ਤੁਲਣਾ 'ਚ ਇਹ ਅੰਕੜਾ ਕਰੀਬ ਅੱਧਾ ਹੋ ਗਿਆ ਹੈ।
ਹਾਲਾਂਕਿ ਉਨ੍ਹਾਂ ਸਾਵਧਾਨ ਕੀਤਾ ਕਿ ਘਟਦੇ ਮਾਮਲਿਆਂ, ਹਸਪਤਾਲ 'ਚ ਦਾਖਲਿਆਂ ਅਤੇ ਮੌਤਾਂ ਦੇ ਅੰਕੜੇ ਵਿਚਾਲੇ ਸਾਵਧਾਨੀ ਵਰਤਦੇ ਰਹਿਣਾ ਬੇਹੱਦ ਜ਼ਰੂਰੀ ਹੈ।
ਡਾ. ਟੈਮ ਨੇ ਨਵੇਂ ਵੇਰੀਐਂਟਸ ਸੰਬੰਧੀ ਵੀ ਜਾਣਕਾਰੀ ਸਾਂਝੀ ਕੀਤੀ ਅਤੇ ਕਿਹਾ ਕਿ ਵਾਇਰਸ ਦਾ ਰੂਪਾਂਤਰ ਬਦਲਣਾ ਆਮ ਗੱਲ ਹੈ, ਪਰ ਉਨ੍ਹਾਂ ਕਿਹਾ ਕਿ ਇਹ ਨਵੇਂ ਰੂਪਾਂਤਰ ਵਧੇਰੇ ਆਸਾਨੀ ਨਾਲ ਫੈਲ ਰਹੇ ਹਨ, ਜੋ ਕਿ ਚਿੰਤਾ ਦਾ ਵਿਸ਼ਾ ਹੈ।
ਉਨ੍ਹਾਂ ਇਹ ਵੀ ਕਿਹਾ ਕਿ ਆਸਾਰ ਹਨ ਕਿ ਮੌਜੂਦਾ ਵੈਕਸੀਨ ਇਹਨਾਂ ਨਵੇਂ ਵੇਰੀਐਂਟਸ 'ਤੇ ਬਹੁਤੇ ਪ੍ਰਭਾਵਸ਼ਾਲੀ ਨਾ ਹੋਣ।
ਉਨ੍ਹਾਂ ਦੱਸਿਆ ਕਿ ਬ੍ਰਾਜ਼ੀਲ ਦੇ ਵੇਰੀਐਂਟ ਦਾ ਮਾਮਲਾ ਔਂਟੈਰੀਓ 'ਚ ਦਸਤਕ ਦੇ ਚੁੱਕਾ ਹੈ।
ਇਸ ਤੋਂ ਇਲਾਵਾ ਯੂ.ਕੇ. ਵੇਰੀਐਂਟ ਦੇ 355 ਮਾਮਲੇ ਅਤੇ ਦੱਖਣੀ ਅਫਰੀਕਾ ਵੇਰੀਐਂਟ ਦੇ 25 ਮਾਮਲੇ ਰਿਪੋਰਟ ਹੋ ਚੁੱਕੇ ਹਨ।
