16.72C Vancouver 16.72C VancouverFeb 22, 2021 9:40 PM -
ਅੱਜ ਸਵੇਰੇ ਵੈਨਕੂਵਰ ਆਈਲੈਂਡ ਦੇ ਦੱਖਣਪੱਛਮੀ ਇਲਾਕੇ 'ਚ ਹਲਕੇ ਭੁਚਾਲ ਦੇ ਝਟਕਿਆਂ ਨੇ ਦਸਤਕ ਦਿੱਤੀ।
ਯੂ.ਐਸ. ਜੀਓਲੌਜੀਕਲ ਸਰਵੇ ਅਨੁਸਾਰ ਇਸ ਭੁਚਾਲ ਦੀ ਤੀਬਰਤਾ 4.5 ਦੀ ਸੀ।
ਇਸ ਨੂੰ ਧਰਤੀ ਦੇ ਕਰਸਟ ਦੇ 10km ਹੇਠ ਦਰਜ ਕੀਤਾ ਗਿਆ।
ਤੋਫੀਨੋ ਤੋਂ ਕਰੀਬ 250km ਦੀ ਦੂਰੀ 'ਤੇ ਇਸ ਭੁਚਾਲ ਨੇ ਦਸਤਕ ਦਿੱਤੀ।
ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਕਿਸੇ ਦੇ ਜ਼ਖਮੀ ਹੋਣ ਜਾਂ ਕਿਸੇ ਪ੍ਰਕਾਰ ਦੇ ਨੁਕਸਾਨ ਦੀ ਖਬਰ ਨਹੀਂ ਹੈ।
ਇਹ ਝਟਕੇ ਕਾਸਕੇਡੀਆ ਸਬਡਕਸ਼ਨ ਜ਼ੋਨ ਦੇ ਇਲਾਕੇ 'ਚ ਵਾਪਰੇ, ਜਿੱਥੇ ਕਿ ਜੁਆਨ ਡੀ ਫੁਕਾ ਪਲੇਟ ਸਲਾਈਡ ਕਰਦੇ ਹੋਏ ਉੱਤਰੀ ਅਮਰੀਕਾ ਦੀ ਪਲੇਟ ਹੇਠ ਜਾ ਰਹੀ ਹੈ, ਜਿਸ ਨਾਲ ਸਾਲ 'ਚ ਕਰੀਬ 1,000 ਅਜਿਹੇ ਛੋਟੇ ਝਟਕੇ ਮਹਿਸੂਸ ਕੀਤੇ ਜਾਂਦੇ ਹਨ।
ਹਾਲਾਂਕਿ ਦੋ ਕਰਸਟਸ ਦੀ ਹਲਚਲ ਨਾਲ ਵੱਡੇ ਭੁਚਾਲ ਦੇ ਦਸਤਕ ਦੇਣ ਦੇ ਵੀ ਆਸਾਰ ਵਧ ਰਹੇ ਹਨ।
