16.65C Vancouver 16.65C VancouverOct 14, 2020 2:42 AM -
ਬੀ.ਸੀ. 'ਚ ਕੋਰੋਨਾ ਵਾਇਰਸ ਦੇ 549 ਹੋਰ ਮਾਮਲੇ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਹ ਮਾਮਲੇ ਬੀਤੇ 4 ਦਿਨ ਦਾ ਅੰਕੜਾ ਦਰਸ਼ਾਉਂਦੇ ਹਨ, ਜਿਸ ਦੌਰਾਨ ਸ਼ੁੱਕਰਵਾਰ ਨੂੰ 170, ਸ਼ਨੀਵਾਰ ਨੂੰ 159, ਐਤਵਾਰ ਨੂੰ 119 ਅਤੇ ਸੋਮਵਾਰ ਨੂੰ 101 ਮਾਮਲੇ ਉਜਾਗਰ ਹੋਏ।
5 ਵਾਇਰਸ ਪੀੜਤਾਂ ਦੇ ਦਮ ਤੋੜਨ ਬਾਰੇ ਵੀ ਦੱਸਿਆ ਗਿਆ ਹੈ।
ਹੁਣ ਬੀ.ਸੀ. 'ਚ ਕੋਵਿਡ-19 ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 10,734 ਹੋ ਗਈ ਹੈ।
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਵੱਲੋਂ ਅੱਜ ਦੇ ਮਾਮਲਿਆਂ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 250 ਹੈ।
ਬੀ.ਸੀ. 'ਚ ਵਾਇਰਸ ਸੰਬੰਧੀ ਐਕਟਿਵ ਮਾਮਲੇ 1,476 ਤੱਕ ਪਹੁੰਚ ਗਏ ਹਨ। ਬੀ.ਸੀ. ਦੇ 77 ਵਾਇਰਸ ਪੀੜਤ ਹਸਪਤਾਲ 'ਚ ਦਾਖਿਲ ਹਨ, ਜਿੰਨਾ 'ਚ 24 ਨੂੰ ਆਈ.ਸੀ.ਯੂ. 'ਚ ਰੱਖਿਆ ਗਿਆ ਹੈ।
ਅੱਜ ਡਾ. ਬੌਨੀ ਹੈਨਰੀ ਨੇ ਜਾਣਕਾਰੀ ਦਿੱਤੀ ਹੈ ਕਿ ਸੂਬੇ 'ਚ 4 ਹੋਰ ਹੈਲਥ ਕੇਅਰ ਆਊਟਬ੍ਰੇਕ ਦਰਜ ਕੀਤੇ ਗਏ ਹਨ।
ਇਸ 'ਚ ਪਿਕਸ ਅਸਿਸਟਿਡ ਲਿਵਿੰਗ ਫੈਸਿਲਿਟੀ, ਚਾਰਟਵੈਲ ਚਰਿੰਟਨ ਹੋਸਟਸ ਅਸਿਸਟਿਡ ਫੈਸਿਲਿਟੀ, ਯੇਲਟਾਊਨ ਹੋਸਟਸ ਲੌਂਗ ਟਰਮ ਕੇਅਰ ਫੈਸਿਲਿਟੀ ਅਤੇ ਵਾਈਨਬਰਗ ਹੋਸਟਸ ਮਲਟੀ ਲੈਵਲ ਕੇਅਰ ਫੈਸਿਲਿਟੀ ਸ਼ਾਮਿਲ ਹਨ।
ਹਾਲਾਂਕਿ ਡਾ. ਹੈਨਰੀ ਨੇ ਦੱਸਿਆ ਕਿ ਦੋ ਕੇਅਰ ਹੋਮਸ 'ਚ ਆਊਟਬ੍ਰੇਕ ਖਤਮ ਵੀ ਹੋਏ ਹਨ।
ਸੂਬੇ 'ਚ ਇਸ ਸਮੇਂ ਹੈਲਥ ਕੇਅਰ ਸਿਸਟਮ 'ਚ ਕੁੱਲ 20 ਐਕਟਿਵ ਆਊਟਬ੍ਰੇਕ ਹਨ।
ਇਸ 'ਚ 17 ਲੌਂਗ ਟਰਮ ਕੇਅਰ ਅਤੇ ਅਸਿਸਟਿਡ ਲਿਵਿੰਗ ਨਾਲ ਸੰਬੰਧਤ ਹਨ ਜਦਕਿ 3 ਐਕਿਊਟ ਕੇਅਰ ਨਾਲ ਸੰਬੰਧਤ ਹਨ।
