14.9C Vancouver 14.9C VancouverOct 13, 2021 12:38 AM -
ਅੱਜ ਬੀ.ਸੀ. ਦੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਨੇ ਦੱਸਿਆ ਕਿ ਸੂਬੇ ਦੇ ਨੌਰਦਰਨ ਹੈਲਥ ਰਿਜਨ 'ਚ ਕੋਵਿਡ-19 ਦੇ ਵਧਦੇ ਮਾਮਲਿਆਂ ਦੇ ਕਾਰਨ ਇਲਾਕੇ ਦੀਆਂ ਕ੍ਰਿਟਿਕਲ ਕੇਅਰ ਸੇਵਾਵਾਂ 'ਤੇ ਅਸਰ ਪਿਆ ਹੈ।
ਉਨ੍ਹਾਂ ਦੱਸਿਆ ਕਿ ਇਸ ਵੀਕਐਂਡ ਦੌਰਾਨ ਨੌਰਦਰਨ ਹੈਲਥ ਦੇ 55 ਮਰੀਜਾਂ ਨੂੰ ਕ੍ਰਿਟਿਕਲ ਕੇਅਰ ਸੇਵਾਵਾਂ ਲਈ ਵੈਨਕੂਵਰ ਆਈਲੈਂਡ, ਫਰੇਜ਼ਰ ਹੈਲਥ ਅਤੇ ਵੈਨਕੂਵਰ ਕੋਸਟਲ ਹੈਲਥ ਦੇ ਹਸਪਤਾਲਾਂ 'ਚ ਪਹੁੰਚਾਇਆ ਗਿਆ ਹੈ।
ਉਨ੍ਹਾਂ ਦੱਸਿਆ ਕਿ ਇਸ 'ਚ 43 ਮਰੀਜ ਕੋਵਿਡ-19 ਤੋਂ ਪੀੜਤ ਸਨ।
ਇਸ ਦੇ ਨਾਲ ਹੀ ਉਨ੍ਹਾਂ ਦੱਸਿਆ ਕਿ 42 ਮਰੀਜ ਅਜਿਹੇ ਸਨ ਜਿੰਨਾ ਨੂੰ ਕੋਵਿਡ-19 ਦੇ ਦੋਵੇਂ ਵੈਕਸੀਨ ਹਾਸਿਲ ਨਹੀਂ ਹੋਏ ਸਨ।
ਉਨ੍ਹਾਂ ਦੱਸਿਆ ਕਿ ਨੌਰਦਰਨ ਹੈਲਥ 'ਚ ਕ੍ਰਿਟਿਕਲ ਕੇਅਰ ਦੇ ਕੁੱਲ 42 ਬਿਸਤਰ ਉਪਲਬਧ ਹਨ।
ਪਰ ਉਨ੍ਹਾਂ ਕਿਹਾ ਕਿ ਹੋਰ ਐਮਰਜੈਂਸੀਆਂ ਵਿਚਾਲੇ ਅਚਾਨਕ ਕੋਵਿਡ-19 ਦੇ ਕ੍ਰਿਟਿਕਲ ਕੇਅਰ ਮਰੀਜਾਂ 'ਚ ਵਾਧਾ ਹੋਇਆ ਹੈ।
ਉਨ੍ਹਾਂ ਕਿਹਾ ਕਿ ਇਸ 'ਚ 14 ਨੂੰ ਹਵਾਈ ਸੇਵਾ ਜਰੀਏ ਵੈਨਕੂਵਰ ਇਲਾਕੇ ਦੇ ਹਸਪਤਾਲਾਂ 'ਚ ਪਹੁੰਚਾਇਆ ਗਿਆ।
